توریت شریف: پَیدایش 23:9 - Mirpuri-Pahari Bible

⁹ کہ او مکفیلہ نے غار کی، جیہڑا اُس نا اے تے اُس نی اِک باڑی نے کنارے پر اَے، پوری قیمت کِہنی کے تُساں نے سامݨے مِکی چائی دَے، تاںکہ قبرے واسطے او مہاڑی ملکیت بݨی جائے۔»

توریت شریف: پَیدایش 23:9 ပူးပေါင်းရင်းမြစ်များ

توریت شریف: پَیدایش 23:10

عِفرون اپݨے لوکاں نال شہر نے پھاٹک پر بیٹھا وا سی۔ اُس اُنہاں ساریاں نے سامݨے حضرت اِبراہِیم کی جواب دِتا،

توریت شریف: پَیدایش 23:4

”میں تُساں وِچ مسافر تے پردیسی آں. تُساں مِکی قبرے واسطے جغہ دیو، تانکہ میں اپݨی کہرے آلی نی اِس مَیت کی دبی سَٹاں۔»

توریت شریف: پَیدایش 23:8

تے اُنہاں اِس طرح آخیا، «جے تُساں نی مرضی ہووے کہ میں اپݨی زناݨی نی مَیت کی اِتھے دَباں، تے فِر تُساں صُحر نے پُتر عِفرون اَگے مہاڑی سفارش کرو

توریت شریف: پَیدایش 25:10

اے او ہی باڑی سی جیہڑی حضرت اِبراہِیم اُنہاں حِتی لوکاں کولوں خریدی سی، تے اُتھَے حضرت اِبراہیم تے اُنہاں نی بیوی بی بی سارہ دوئاں کی دفن کیتا گیا۔

توریت شریف: پَیدایش 49:29

فِر حضرے یعقُوب اُنہاں کی آخیا، «میں مرنے آلا آں. مِکی مہاڑے پیؤ دادے کول اُس غارے وِچ دَبی شوڑیائے، جیہڑی ہتی قبِیلے نے عِفرون نامی بندے نی باڑی وِچ اے.

توریت شریف: پَیدایش 50:13

اُنہاں اُس کی مُلخ کَنعان وِچ آݨی کے ممرے نے سامݨے مکفیلہ نی باڑی نے غارے وِچ دبی شوڑیا، جس کی حضرت ابراہیئم باڑی سمیت ہتی قبِیلے نے عِفرون نامی بندے کولوں خریدی کے قبرستان واسطے اپݨی ملکیت بݨائی سی۔