توریت شریف: پَیدایش 23:4 - Mirpuri-Pahari Bible

⁴ ”میں تُساں وِچ مسافر تے پردیسی آں. تُساں مِکی قبرے واسطے جغہ دیو، تانکہ میں اپݨی کہرے آلی نی اِس مَیت کی دبی سَٹاں۔»

توریت شریف: پَیدایش 23:4 ပူးပေါင်းရင်းမြစ်များ

توریت شریف: پَیدایش 17:8

میں کَنعان نا سارا مُلخ، جس وِچ تُوں پردیسی ایں، تُکی تے تُہاڑیاں نسلاں کی ہمیشہ نی ملکیت نے طور پر دیساں. تے میں اِنہاں نا خدا ہوساں.“

توریت شریف: پَیدایش 23:5

فِر بنی حِتی لوکاں حضرت اِبراہِیم کی جواب دِتا،

توریت شریف: پَیدایش 3:19

تُوں اُس ویلے تک روٹی کماݨے واسطے اپݨا پرسیو کڈسیں جدُوں تک تُوں زمِیں وِچ واپس نہ جائیں، کِیئانکہ تُوں مِٹی نال بݨایا گیا سیں. میں تُکی مِٹی وِچوں بݨایا، تَے تُوں فِر مٹی وِچ ہی مِلسیں۔“

توریت شریف: پَیدایش 47:9

حضرت یعقُوب جواب دِتا، «مہاڑی زندگی نا سفر اِک سو تری سال ہوئی گیا۔ مہاڑی زندگی نے دیہاڑے تے تھوڑے رِہی گئے اݨ، تے دُکھاں نال پہرے وے اݨ. تے آلے تک اے اِتنے ہوئے وی نی، جتنے مہاڑے پیؤ دادے نی زندگی نے سݨ۔»

توریت شریف: پَیدایش 49:30

او غار اُس باڑی وِچ اے جیہڑی مُلخ کَنعان نے مکفیلہ نامی علائقے وِچ ممرے نے سامݨے اَے . حضرت اِبراہِیم اپݨے لوکاں کی دفݨاݨے واسطے اُس غارے کی باڑی سمیت عِفرون کولوں خریدی کِہندا سی۔

توریت شریف: پَیدایش 50:13

اُنہاں اُس کی مُلخ کَنعان وِچ آݨی کے ممرے نے سامݨے مکفیلہ نی باڑی نے غارے وِچ دبی شوڑیا، جس کی حضرت ابراہیئم باڑی سمیت ہتی قبِیلے نے عِفرون نامی بندے کولوں خریدی کے قبرستان واسطے اپݨی ملکیت بݨائی سی۔