توریت شریف: پَیدایش 22:9 - Mirpuri-Pahari Bible

⁹ ٹُرنے ٹُرنے او اُس جغہ پر پُہنچے جیہڑی اللّٰہ تعالیٰ حضرت اِبراہِیم پر دسّی سی. اُنہاں اُتھے قربانی دیݨے آلی اِک جغہ بݨائی، تے لکڑیاں ترتِیب نال رخیاں. فِر اُنہاں اِسحاق کی بنی کے قربانی دیݨے آلی جغہ پر رخی شوڑیا،

توریت شریف: پَیدایش 22:9 ပူးပေါင်းရင်းမြစ်များ

توریت شریف: پَیدایش 12:7

اُس ویلے رب حضرت ابرام پر ظاہر ہویا تے آخیا، ”میں تُہاڑی نسلاں کی اے مُلخ دیساں.“ فِر حضرت ابرام اُتھے رب واسطے قربانی دیݨے آلی جغہ بݨائی شوڑی، جیہڑا اُنہاں اپر ظاہر ہویا سی۔

توریت شریف: پَیدایش 12:8

اُتھوں نکلی کے او اُس پہاڑی علاقے در گئے جیہڑا بیت اَیل شہر نے مشرق وِچ سی، تے اُتھے اپݨے تمبو لائے. بیت ایل مغرب وِچ تے عئی شہر مشرق وِچ سی. فِر اُتھے انہاں رب واسطے اِک قربانی دیݨے آلی جغہ بݨائی، تے رب نی عِبادت کیتی۔

توریت شریف: پَیدایش 13:18

فِر حضرت ابرام اپݨا ڈیرا پَٹیا، تے حبرون وِچ جائی کے ممرے نے بڑے درختاں کول رہݨ لغے، تے فِر اُتھے رب واسطے اِک قربانی دیݨے آلی جغہ بݨائی۔

توریت شریف: پَیدایش 22:10

تے چھُری پکڑی کِہندی تانکہ اپݨے پُترے کی ذبح کرݨ.

توریت شریف: پَیدایش 22:8

حضرت اِبراہِیم جواب دِتا، ”اے مہاڑیا پُترا، اللّٰہ تعالیٰ آپوں ہی اُس قربانی واسطے لیلا دیسی.“ تے دوئے پیؤ پُتر اکٹھے ٹرنے رہے۔

توریت شریف: پَیدایش 8:20

فِر حضرت نُوح رب واسطے اِک قربانی دیݨے آلی جغہ بݨائی، تے حلال جانوراں تے پرندیاں وِچوں کُج کُج کہنی کے رب اگے قربانی دیئی کے پُوری طرح ساڑی شوڑیا۔