توریت شریف: پَیدایش 22:20 - Mirpuri-Pahari Bible

²⁰ کُج مُدت تُوں بعد حضرت اِبراہِیم کی اے خبر پُہنچی کہ ”تُساں نے پہراؤ نحور نی بیوی مِلکاہ وِچوں مُنڈے جمے اݨ،

توریت شریف: پَیدایش 22:20 ပူးပေါင်းရင်းမြစ်များ

توریت شریف: پَیدایش 11:26

جدوں تارح 70 سالاں نا ہوئی گیا اُس تُوں بعد اُس نے ترے پتر حضرت ابرام، نحُور تے حاران جمے۔

توریت شریف: پَیدایش 11:27

اے تارح نا شجرہ نسب اَے. تارح نے پُتر حضرت ابرام، نحُور تے خاران جمے. تے جناب حاران نے پتر حضرت لوط جمے۔

توریت شریف: پَیدایش 11:29

تے حضرت ابرام تے نحُور دوآں اپݨا اپݨا بیاہ کری کِہندا. حضرت ابرام نی کہرے آلی نا ناں بی بی ساری، تے نحُور نی کہرے آلی نا ناں بی بی ملکہ سی. او ہی ہاران نی تِیہی سی، تے اُس نی پہیݨوں نا ناں بی بی اِسکہ سی۔

توریت شریف: پَیدایش 15:1

اُس توں بعد اللّٰہ تعالیٰ نا کلام حضرت ابرام پر نازل ہویا کہ، ”اے ابرام، توں ناں ڈر! میں تُہاڑی ٹہال آں۔ تُکی بڑا اجر لبھسی.“

توریت شریف: پَیدایش 22:21

یعنی کہ اُس نا پہلوٹھی نا پُتر عُوض، تے اُس نا پہراہ بُوز، تے قمُوئيل (جیہڑا آرام نا پِیؤ سی)،

توریت شریف: پَیدایش 24:10

فِر او اپݨے مالک نے دس اُونٹھاں پر قیمتی تحفے لدی کے مسوِپتامیہ مُلک در روانہ ہوئی گیا. ٹُرنا ٹُرنا او اُس شہر پُہجھی گیا جِتھے حضرت اِبراہِیم نا پہرآ نحُور رہݨا سی.

توریت شریف: پَیدایش 24:15

او آلے دعا کرنا پیا سی، کہ رِبقہ نامی اِک کُڑی شہر وِچوں نِکلی آئی. اُس نے مُونڈے پر اِک کہڑا سی. او بِتُو ایل نی تہی سی. (بِتُو اِیل حضرت ابراہیم نے پہراؤ نحُور نا پُتر سی، تے نحُور نی بیوی نا ناں مِلکاہ سی.)

توریت شریف: پَیدایش 24:24

اُس آخیا، ”میں بِتُو ایل نی تِہی آں، تے نحور مہاڑا دادا اے، تے ملکاہ مہاڑی دادی اے۔“

توریت شریف: پَیدایش 31:53

حضرت اِبراہِیم تے نحور نا خُدا ساڑے وِچ انصاف کرے.“ جواب وِچ حضرت یعقُوب حضرت اسحاق نے خُدا نی قَسم کھادی کہ میں اے عہد کدے ناں تروڑݨ لغا۔