توریت شریف: پَیدایش 22:2 - Mirpuri-Pahari Bible

² فِر اللّٰہ تعالیٰ آخیا، ”تُوں اپݨے کَہلے پُترے اسحاق کی، جِس کی تُوں بہُوں پیار کرݨا ایں، نال کہنی کے موریاہ نے علاقے وِچ جا. اُتھے پہاڑاں وِچ اِک پہاڑ پر جیہڑا میں تُکی دَسساں، پُترے نی قربانی چائی دے.“

توریت شریف: پَیدایش 22:2 ပူးပေါင်းရင်းမြစ်များ

توریت شریف: پَیدایش 17:19

اللّٰہ تعالیٰ آخیا، ”کوئی شک نی کہ تُہاڑی کہرے آلی سارہ مُنڈا جمسی، تے تُوں اُس نا ناں اِسحاق رخیاں. میں اُس نال تے اُس نی اولادی نال اپݨا عہد، جیہڑا ابدی عہد اَے، قائم رخساں.

توریت شریف: پَیدایش 21:12

پر اللّٰہ تعالیٰ اُنہاں کی آخیا، ”جیہڑی گل سارہ اپݨی لُونڈی تے اُس نے پُترے نے بارے وِچ آخی، اُس نا بُرا ناں من. ساراہ نی گل منی کِہن، کِیئانکہ اِسحاق نال تُہاڑی نسل قائم رہسی.

توریت شریف: پَیدایش 21:3

فِر حضرت اِبراہِیم اپݨے پُترے نا ناں، جیہڑا بی بی سارہ کولوں جمیا سی، اسحاق رخیا۔

توریت شریف: پَیدایش 22:12

فرشتے آخیا، ”تُوں اپݨا ہتھ مُنڈے پر ناں چَلا، تے اِس نال کُج نہ کر! مِکی ہُݨ اے ثابت ہوئی گیا کہ تُوں اللّٰہ تعالیٰ کولوں ڈرنا ایں، کِیئانکہ تُوں اپݨے کہلے پُترے کی اللّٰہ تعالیٰ نی راہ وِچ قربان کرݨ تُوں پِچھَے ناں ہٹیا۔“

توریت شریف: پَیدایش 22:16

آخیا، ”رب آخݨا اے کہ: تُوں اے کم کیتا کہ اپݨے کَہلے پُترے کی وی قُربان کرنے تُوں پِچھَے ناں ہٹیا. ہُݨ میں وی اپݨی زات نی قسم کھاݨا آں

توریت شریف: پَیدایش 22:3

حضرت اِبراہِیم سویرے سویرے اُٹھے، تے قربانی کی ساڑنے واسطے لکڑیاں چیریاں، تے اپݨے کھوتے پر لدیاں. فِر اپݨے نوکراں وِچوں دوآں کی تے اپݨے پُترے حضرت اسحاق کی نال کِہندا، تے اُس جغہ در گئے جیہڑی اللّٰہ تعالیٰ اُنہاں کی دَسی سی۔

توریت شریف: پَیدایش 22:9

ٹُرنے ٹُرنے او اُس جغہ پر پُہنچے جیہڑی اللّٰہ تعالیٰ حضرت اِبراہِیم پر دسّی سی. اُنہاں اُتھے قربانی دیݨے آلی اِک جغہ بݨائی، تے لکڑیاں ترتِیب نال رخیاں. فِر اُنہاں اِسحاق کی بنی کے قربانی دیݨے آلی جغہ پر رخی شوڑیا،

توریت شریف: پَیدایش 8:20

فِر حضرت نُوح رب واسطے اِک قربانی دیݨے آلی جغہ بݨائی، تے حلال جانوراں تے پرندیاں وِچوں کُج کُج کہنی کے رب اگے قربانی دیئی کے پُوری طرح ساڑی شوڑیا۔