توریت شریف: پَیدایش 21:32 - Mirpuri-Pahari Bible

³² اِس طرح اُنہاں بیر سبع پر معاہدہ کِیتا. فِر بادشاہ ابی ملک تے اُس نی فوج نے کمانڈر فِیکُول دوئے اُٹھی کے فلستیناں نے مُلخے در مُڑی گئے۔

توریت شریف: پَیدایش 21:32 ပူးပေါင်းရင်းမြစ်များ

توریت شریف: پَیدایش 10:14

فَترُوسی، کسلُوحی تے کفتُوری. (کسلُوحیاں کولوں فلِستی نکلے.)

توریت شریف: پَیدایش 14:13

فِر اِک آدمی جِیہڑا بچی گیا سی، اُس حضرت ابرام عبرانی کی جائی کے سب کُج دسیا، جیہڑے ممرے اموری نے بڑے درختاں کول رہݨے سݨ. ممرے، تے اُس نے پہرآ اِسکال تے عانِیر، حضرت ابرام نے اِتحادی سݨ۔

توریت شریف: پَیدایش 21:27

فِر حضرت اِبراہِیم پہڈاں، بکریاں، گانئیاں تے داند کہنی کے بادشاہ کی دِتے، تے دوآں آپے وِچ معاہدہ کِیتا۔

توریت شریف: پَیدایش 21:31

اِس واسطے اُس جغہ نا ناں بیر سبع یعنی قسم نا کھُوہ رخیا گیا، کِیئانکہ اُتھے اُنہاں دوآں قسم کھادی سی۔

توریت شریف: پَیدایش 21:33

حضرت اِبراہِیم بیر سبع وِچ اِک درخت لایا، تے اُس جغہ اپر اُنہاں رب اگے دُعا کیتی، جیہڑا ابدی خُدا اے۔

توریت شریف: پَیدایش 26:14

اُنہاں کول پہڈاں بکریاں، گاںئیاں، داند تے بہُوں سارے نوکر ہوئی گئے، اِس واسطے فلستی اُنہاں کولوں سڑݨ لغی پئے۔

توریت شریف: پَیدایش 26:8

جدوں اُنہاں کی اُتھے رہݨیاں ہویاں بہُوں دیہاڑے ہوئی گئے، تے فلستیاں نے بادشاہ ابی ملک کھڑکی وِچوں تکیا کہ حضرت اسحاق اپݨی زناݨی بی بی رِبقہ نال ہسݨے کھیڑنے پئے۔

توریت شریف: پَیدایش 31:44

بس، ہُݨ توں تے میں دوئے اِک ہوئی کے آپے وِچ اِک معاہدہ کراں، تے او ہی تہاڑے تے مہاڑے وِچ ثبوت ہوسی کہ اساں وِچ صُلح ہوئی گئی اے۔“

توریت شریف: پَیدایش 31:53

حضرت اِبراہِیم تے نحور نا خُدا ساڑے وِچ انصاف کرے.“ جواب وِچ حضرت یعقُوب حضرت اسحاق نے خُدا نی قَسم کھادی کہ میں اے عہد کدے ناں تروڑݨ لغا۔