توریت شریف: پَیدایش 21:23 - Mirpuri-Pahari Bible

²³ اِس واسطے تُساں ہُݨ مہاڑے سامݨے اللّٰہ نی قسم کھاؤ کہ نہ مہاڑے نال، نہ مہاڑیاں پُتراں نال، تے نہ ہی مہاڑیاں پوتریاں نال تُساں تہوکھہ فریب کرسو. جِس طرح میں تُساں نال اچّا سلُوک کیتا، اِسے طرح تُساں وی مہاڑے نال تے اِس مُلخے نال جتھے تُساں رہݨے او اچّا سلُوک کرو۔“

توریت شریف: پَیدایش 21:23 ပူးပေါင်းရင်းမြစ်များ

توریت شریف: پَیدایش 20:14

فِر بادشاہ ابی ملک پیہڈاں بکریاں، گاںئیاں، داند، تے نوکر حضرت اِبراہِیم کی دِتے، تے اُنہاں نی زناݨی وی اِنہاں نے حوالے کیتی۔

توریت شریف: پَیدایش 21:24

حضرت اِبراہِیم آخیا، ”میں قسم کھاݨا آں.“

توریت شریف: پَیدایش 24:3

میں تہاڑے کولوں رب نی قسم کِہننا آں، جیہڑا دوآں جہاناں نا مالک اے، کہ تُوں کنعانیاں وِچوں جِہناں نے وِچ میں رہݨا آں، مہاڑے پُترے اسحاق کی ناں بیاسیں،

توریت شریف: پَیدایش 26:28

اُنہاں آخیا، ”اساں صاف تکیا اے کہ رب تُساں نے نال اے. تے اساں سوچیا کہ تُساں نے تے اَساں نے درمیان قسم ہوئی جائے. اچھو، اساں تُساں نال اِک معاہدہ کری کِہناں

توریت شریف: پَیدایش 31:44

بس، ہُݨ توں تے میں دوئے اِک ہوئی کے آپے وِچ اِک معاہدہ کراں، تے او ہی تہاڑے تے مہاڑے وِچ ثبوت ہوسی کہ اساں وِچ صُلح ہوئی گئی اے۔“

توریت شریف: پَیدایش 31:53

حضرت اِبراہِیم تے نحور نا خُدا ساڑے وِچ انصاف کرے.“ جواب وِچ حضرت یعقُوب حضرت اسحاق نے خُدا نی قَسم کھادی کہ میں اے عہد کدے ناں تروڑݨ لغا۔

توریت شریف: پَیدایش 39:3

فوطِیفار تکیا کہ رب حضرت یُوسف نال سی، تے جِنہاں کماں کی او ہتھ لاݨے سݨ، اُنہاں وِچ رب برکت باݨا سی۔

توریت شریف: پَیدایش 47:31

فِر حضرت یعقُوب آخیا، «تُوں مہاڑے سامݨے قسم کھا.» فِر حضرت یُوسف اُنہاں اگے قسم کھادی، تے حضرت یعقُوب اپݨا سِر بسترے پر چُہکائی کے شکر ادا کِیتا۔