توریت شریف: پَیدایش 21:20 - Mirpuri-Pahari Bible

²⁰ جُوں جُوں حضرت اِسماعِیل بڑے ہوݨے گئے، تے اللّٰہ تعالیٰ اُنہاں نال سی. او فاران نیاں بیاباناں وِچ رہݨ لغے، تے تیر انداز بݨے۔

توریت شریف: پَیدایش 21:20 ပူးပေါင်းရင်းမြစ်များ

توریت شریف: پَیدایش 10:9

او رب نے سامݨے اِک عظیم شکاری بݨیا، تے اِس واسطے اج وی کِسے اچّھے شِکاری نے بارے وِچ اے مثال دِتی جاݨی اے کہ ”او نمرُود نی طرح رب نی نظراں وِچ اِک عظیم شکاری اے۔“

توریت شریف: پَیدایش 16:12

مُنڈا اِک سخت جان تے آزاد بندہ ہوسی، جیہڑا ساریاں نے خلاف ہوسی تے سارے اُس نے خلاف ہوسݨ. تے اپݨیاں ساریاں پہراواں نال دُشمݨی وی رخسی.“

توریت شریف: پَیدایش 17:20

تے اسماعیل واسطے وی میں تُہاڑی دُعا سُݨی کِہندی. تک، میں اُس کی وی برکت دیساں. میں اُس کی پَھلݨ پھولݨ دیساں، تے اُس نی تعداد بہُوں ہی زیادہ بدھاساں. اِس کولوں بارہ شہزادے جَمسݨ، تے میں اُس کولوں اِک بڑی قوم وی بݨاساں۔

توریت شریف: پَیدایش 25:27

جدوں دوئے مُنڈے بڑے ہوئے، تے حضرت اِیسَو شکار کرنے وِچ ماہر ہوئی گئے، تے او اکثر جنگل وِچ پھرنے رہننے سݨ. تے حضرت یعقُوب صُلح پسند عادتاں آلے بندے سݨ، تے ڈیرے وِچ رہݨے سݨ۔

توریت شریف: پَیدایش 27:3

ہُݨ تُوں اپݨے ہتھیار یعنی تیر کمان کہنی کے جنگلے در جائی کے مہاڑے واسطے کُج شکار ماری کے کہنی آݨ.

توریت شریف: پَیدایش 28:15

تے تَک! میں تہاڑے نال آں، تے ہر جغہ جِتھے وی توں جاسیں تُہاڑی حفاظت کرساں، تے تُکی اِس مُلخے وِچ فِر آݨساں. میں تُکی کدے کلیاں ناں چھوڑݨ لغا. میں اپݨا واعدہ پُورا کرساں۔“

توریت شریف: پَیدایش 39:21

پر رب حضرت یُوسف نال سی تے اُنہاں اپر رحم کِیتا، تے قید خانے نے دروغے نی نظراں وِچ اُنہاں کی مقبول بݨایا۔

اِنجِیل شریف (لُوقا) 1:80

او بچّہ یعنی حضرت یحییٰ جُوں جُوں بڑا ہوݨا گیا، تے اُس کی قُربتِ الہٰی حاصل ہوݨی رہی۔ اُس دیہاڑے تک او بیاباناں وِچ ہی رہیا جدُوں تک اُس بنی اِسرائیل نے اگے دعویِٰ نبوت ناں کِیتا۔

اِنجِیل شریف (لُوقا) 2:40

اُنہاں نا پُتر جُوں جُوں بڑا ہوݨا گیا، تے اللّٰہ تعالیٰ اُس اپر اپݨا فضل کرنا رہیا تے او بہُوں سمجھدار ہوݨا گیا۔