توریت شریف: پَیدایش 21:17 - Mirpuri-Pahari Bible

¹⁷ اللّٰہ تعالیٰ مُنڈے نے روݨے نی واز سُݨی، تے فِر خُدا نے فرشتے آسمانے وِچوں بی بی ہاجرہ کی واز دِتی، ”ہاجرہ، تُکی کے ہوئی گیا؟ ناں ڈر! اللّٰہ تعالیٰ تہاڑے مُنڈے نی واز سُݨی کِہندی۔

توریت شریف: پَیدایش 21:17 ပူးပေါင်းရင်းမြစ်များ

توریت شریف: پَیدایش 15:1

اُس توں بعد اللّٰہ تعالیٰ نا کلام حضرت ابرام پر نازل ہویا کہ، ”اے ابرام، توں ناں ڈر! میں تُہاڑی ٹہال آں۔ تُکی بڑا اجر لبھسی.“

توریت شریف: پَیدایش 16:11

توں حاملہ ایں، تے تُہاڑا اِک مُنڈا ہوسی. تُوں اُس نا ناں اسماعیل رخیاں، کِیئانکہ رب تُہاڑا دُکھ تے فریاد سُݨی کِہندی۔

توریت شریف: پَیدایش 16:7

فِر رب نے فرشتے کی بی بی ہاجرہؑ شُور نے رائے وِچ ہی اِک چُوئے کول لُگی جغہ لبھی گئی۔

توریت شریف: پَیدایش 16:8

فرشتے اُس کی پُچھیا، ”اے ہاجرہ! تُوں کُتھوں آئی ایں، تے کُدھر جُلی ایں؟“ بی بی ہاجرہ جواب دِتا، ”میں اپݨی مالکݨ بی بی ساری کولوں نسی کے آئی آں۔“

توریت شریف: پَیدایش 16:9

فِر فرشتے آخیا، ”توں اپݨی مالکݨ کول مڑی جا، تے اپݨی جان اُس نے حوالے کری شوڑ۔

توریت شریف: پَیدایش 22:11

اُسے ویلے رب نے فرشتے آسمانے وِچوں حضرت اِبراہِیم کی واز دیئی کے آخیا، ”ابراہیم، ابراہیم!“ اُنہاں آخیا، ”میں اِتھے حاضر آں۔“

توریت شریف: پَیدایش 24:7

رب جیہڑا آسماناں نا مالک اے، اپݨا فرِشتہ تُہاڑے اگے بیچھسی. اِس واسطے تُوں مہاڑے پُترے واسطے اُنہاں وِچوں زناݨی چُننے وِچ ضرور کامیاب ہوسیں، کِیئانکہ رب ہی مِکی مہاڑے پیؤ نے کہروں تے مہاڑے مُلکے وِچوں اِتھے کِہنی آیا، تے اُس قسم کھائی کے مہاڑے نال وعِدہ کیتا کہ ”میں اے کَنعان نامی مُلخ تُہاڑی اولاد کی دیساں“.

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 46:3

اللّٰہ تعالیٰ آخیا، «میں خُدا آں! تے میں تہاڑے پیؤ نا خُدا آں! مصر وِچ جاݨے تُوں ناں ڈر، کِیئانکہ میں اُتھے تہاڑے وِچوں اِک بڑی قوم پیدا کرساں۔