توریت شریف: پَیدایش 20:12 - Mirpuri-Pahari Bible

¹² حقیقت وِچ او مہاڑی پہیݨ وی اے. او مہاڑے پیؤ نی تہی اے. پر اُس نی تے مہاڑی ما الگ اے، اِس وجہ تُوں اُس نی مہاڑے نال شادی ہوئی سکی.

توریت شریف: پَیدایش 20:12 ပူးပေါင်းရင်းမြစ်များ

توریت شریف: پَیدایش 11:29

تے حضرت ابرام تے نحُور دوآں اپݨا اپݨا بیاہ کری کِہندا. حضرت ابرام نی کہرے آلی نا ناں بی بی ساری، تے نحُور نی کہرے آلی نا ناں بی بی ملکہ سی. او ہی ہاران نی تِیہی سی، تے اُس نی پہیݨوں نا ناں بی بی اِسکہ سی۔

توریت شریف: پَیدایش 12:13

مہربانی کری توں اِس طرح آخیں کہ ”میں ابرام نی پہیݨ آں“، تانکہ تہاڑی وجہ نال مہاڑی خیر ہووے تے مہاڑی جان بَچی رہے۔“

توریت شریف: پَیدایش 20:11

حضرت اِبراہِیم آخیا، ”مہاڑا خیال سی کہ اِس جغہ وِچ اللّٰہ تعالیٰ نا خوف بالکل ناں ہوسی، تے لوک مِکی مہاڑی زناݨی نی وجہ نال ماری شوڑسݨ۔

توریت شریف: پَیدایش 20:13

جس ویلے رب مِکی مہاڑے پیو نے کہروں کڈیا سی، اُس ویلے میں اپݨے کہرے آلی کی آخیا سی ”تُہاڑی مہربانی ہوسی کہ جتھے وی جاں، تُوں مہاڑے حقے وِچ اے آخیاں کہ ”اے مہاڑا پہرآ اے“۔“ “

توریت شریف: پَیدایش 20:2

تے اُتھے اُنہاں اپݨی زناݨی بی بی سارہ نے بارے وِچ لوکاں کی دسیا کہ ”اے مہاڑی پہیݨ اے“. اِس واسطے جرار نے بادشاہ ابی مَلک بی بی سارہ کی بُلائی کِہندا۔

توریت شریف: پَیدایش 26:7

اُتھَے نے رہݨ آلیاں لوکاں اُنہاں نی کہرے آلی نے بارے وِچ پُچھیا، تے حضرت اسحاق آخیا، ”او مہاڑی پہیݨ اے“، کِیئانکہ او اپݨی زناݨی دسݨیاں ڈرنے سݨ. اُنہاں اے سوچیا کہ ”اِتھَے نے لوک رِبقہ کی حاصِل کرنے واسطے مِکی ماری نہ شوڑݨ“، کِیئانکہ او بہُوں سُہݨی سی۔