توریت شریف: پَیدایش 2:5 - Mirpuri-Pahari Bible

⁵ تے شروع وچ چہاڑیاں تے بُوٹے ہالے نی جمے سݨ. وجہ اے سی کہ رب تعالیٰ بارش نا انتظام نی کیتا سی، تے ہالے انسان وی پیدا نی ہویا سی کہ زِیمی پر کھیتی باڑی کرے۔

توریت شریف: پَیدایش 2:5 ပူးပေါင်းရင်းမြစ်များ

توریت شریف: پَیدایش 2:6

بلکہ پاݨی زِیمی وِچوں نکلݨا سی جیہڑا ساری زِیمی کی وتر دیݨا سی۔

توریت شریف: پَیدایش 3:23

اِس واسطے رب تعالیٰ اُس کی عدن نے باغے وِچوں باہر کڈی شوڑیا، تانکہ اُس زِیمی وِچ کھیتی باڑی کرے جِس وِچوں اُس کی کِہندا گیا سی.

توریت شریف: پَیدایش 4:12

جس ویلے تُوں زِیمی پر کھیتی باڑی کرسیں، تے او تُکی فصل نہ دیسی، تے پُوری دُنیا وِچ تُوں اِدھر اُدھر نیاں ٹھوکراں کھاسیں۔“

توریت شریف: پَیدایش 4:2

فِر قابیل نا پہرآ ہابیل جمیا. جدُوں او بڑے ہوئے، ہابیل پہڈاں بکریاں نا چراݨے آلا بݨی گیا، تے قابیل کھیتی باڑی کرنے آلا بݨی گیا۔