توریت شریف: پَیدایش 2:4 - Mirpuri-Pahari Bible

⁴ اے زِیمی تے آسمان نی پیدائِش نا بیان اے. جدوں رب تعالیٰ زِیمی تے آسمان بݨائے،

توریت شریف: پَیدایش 2:4 ပူးပေါင်းရင်းမြစ်များ

توریت شریف: پَیدایش 1:1

شُروع وِچ اللّٰہ تعالیٰ زِیمی تے آسمان پَیدا کِیتا۔

توریت شریف: پَیدایش 1:28

اللّٰہ تعالیٰ اُنہاں کی برکت دیئی کے آخیا، ”پھلو پھُولو تے تعداد وِچ بدھݨے جاؤ! دُنیا تُساں نال پہرݨ جائے، تے تُساں اُس پر اختیار رکھو۔ مچھیاں پر، پرندیاں پر، تے زِیمی پر سارے رینگݨے آلے جانداراں پر حکومت کرو۔“

توریت شریف: پَیدایش 1:3

فِر اللّٰہ تعالیٰ آخیا، ”لو ہوئی جائے!“، تے لو پَیدا ہوئی گئی۔

توریت شریف: پَیدایش 1:31

اللّٰہ تعالیٰ ہر اُس چِیزے کی تَکیا جہیڑی اُس بݨائی سی کہ اے بہُوں چَنگی اے. شام ہوئی تے سویر ہوئی، اِس طرح چھیوَاں دیہاڑا ہویا۔

توریت شریف: پَیدایش 1:4

اللّٰہ تعالیٰ تکیا کہ لو چنگی اے، تے فِر اُس لوئی کی نیہرے نالوں بکھ کری شوڑیا.

توریت شریف: پَیدایش 10:1

اے حضرت نُوح نے پُتراں سام، حام تے یافت نا شجرہ نسب اے۔ اِنہاں نے پُتر سیلاب تُوں بعد پیدا ہوئے۔

توریت شریف: پَیدایش 11:10

اے سام نا شجرہ نسب اے. جدوں او اِک سو سالاں نا ہویا سی، اُس نا پُتر ارفکسد جمیا. اے سیلابے کولوں دو سال بعد ہویا۔

توریت شریف: پَیدایش 2:3

اُس سَتویں دیہاڑے کی برکت دِتی تَے اُس کی مقدس بݨایا، کِیئانکہ او اُس دیہاڑے اپݨے سارے کماں کولوں بہیلا ہوئی گیا سی۔

توریت شریف: پَیدایش 25:12

حضرت اِبراہِیم نے پہلے پُتر حضرت اِسماعِیل نا شجرہ نسب اے اَے، جیہڑے بی بی سارہ نی مصری نوکراݨی بی بی ہاجؑرہ وِچوں جمے سݨ.

توریت شریف: پَیدایش 25:19

حضرت اِبراہِیم نے پُترے حضرت اسحاق نا شجرہ نسب اے اَے.

توریت شریف: پَیدایش 36:1

حضرت اِیسَو مطلب اَدوم نا شجرہ نسب اے اَے۔

توریت شریف: پَیدایش 36:9

حضرت اِیسَو نیاں نسلاں، جِنہاں کی اَدومی اخݨے سݨ، اُنہاں نا شجرہ نسب اے اَے. او سَعِیر نے پہاڑی علاقے وِچ رہݨے سݨ.

توریت شریف: پَیدایش 5:1

اے حضرت آدم نا شجرہ نسب اے۔ جس دیہاڑے اللّٰہ تعالیٰ اِنسان کی پیدا کِیتا، اُس اُس کی اپݨے ار بݨایا۔