توریت شریف: پَیدایش 2:17 - Mirpuri-Pahari Bible

¹⁷ پر اچھے تے بُرے نی پہچان دیݨے آلے درخت نا پھل کدے ناں کھایاں. جے تُوں اُس کی کھاسیں، تے ضرُور مری جاسیں۔“

توریت شریف: پَیدایش 2:17 ပူးပေါင်းရင်းမြစ်များ

توریت شریف: پَیدایش 2:9

رب تعالیٰ ہر طرح نے سوہݨے درخت اُتھے جمائے، جیہڑے چنگا پھل دیݨے سݨ. باغ نے بِشکار دو درخت سݨ: اِک نا پھل کھاݨے نال زندگی لبھݨی سی، تے دُوئے نا پھل کھاݨے نال اچھے تے بُرے نی پہچان.

توریت شریف: پَیدایش 20:7

ہُݨ تُوں اُس نی کہرے آلی موڑی کے دے، کِیئانکہ او نبی اے تے تہاڑے واسطے دُعا کرسی تے توں زندہ رِہسیں. پر جے تُوں اُس کی اُس نی کہرے آلی موڑی کے ناں دِتی، تے سمجھی کہن توں تے تہاڑے نال جتنے وی اݨ، مری جاسݨ۔“

توریت شریف: پَیدایش 3:11

رب تعالیٰ آخیا، "تُکی کُس دَسیا سی کہ تُوں ننگا ایں؟ تُوں اُس درختے نا پھل کھائی شوڑیا، جِس نے بارے وِچ میں تُکی حُکم دِتا سی کہ ’اُس نا پھل نہ کھایاں‘؟“

توریت شریف: پَیدایش 3:17

فِر رب تعالیٰ بندے کی آخیا، ”تُوں اپݨی زناݨی نی گل منی کے اُس درخت نا پھل کھادا، جس تُوں میں تُکی منع کِیتا سی. اِس واسطے ساری زِیمی تہاڑی وجہ نال لعنتی ہوسی، تے تُوں ساری عمر محنت مشقت نی پیداوار کھاسیں۔

توریت شریف: پَیدایش 3:19

تُوں اُس ویلے تک روٹی کماݨے واسطے اپݨا پرسیو کڈسیں جدُوں تک تُوں زمِیں وِچ واپس نہ جائیں، کِیئانکہ تُوں مِٹی نال بݨایا گیا سیں. میں تُکی مِٹی وِچوں بݨایا، تَے تُوں فِر مٹی وِچ ہی مِلسیں۔“