توریت شریف: پَیدایش 19:30 - Mirpuri-Pahari Bible

³⁰ حضرت لُوط صغر شہر وِچ رہݨے تُوں ڈرݨے سݨ، اِس واسطے او اپݨیاں دوئاں تہیاں نال صغر وِچوں نِکلی کے پہاڑاں وِچ ٹُری گئے. اُتھے او اِک غار وِچ رہݨ لغے.

توریت شریف: پَیدایش 19:30 ပူးပေါင်းရင်းမြစ်များ

توریت شریف: پَیدایش 13:10

فِر حضرت لُوط آسے پاسے تکیا، تے اُنہاں نی نظر وادی اُردن پر ٹھہری. اے ساری وادی شہر ضُغر تک سرسبز سی، تے جنّت عدن یا مُلخ مِصر نی طرح لغݨی سی. ( اے رب نے سدُوم شہر تے عُمُورہ شہر نی تباہی کرنے توں پہلوں نی گل اے.)

توریت شریف: پَیدایش 14:22

پر حضرت ابرام اُس کی آخیا، ”میں ہُݨ رب، اللّٰہ سبحانه و تعالیٰ، جیہڑا آسمان تے زمین نا خالق و مالِک اے، اُس نی قسم چاݨا آں،

توریت شریف: پَیدایش 19:17

فِر اِس طرح ہویا کہ جس ویلے فرشتیاں اِنہاں لوکاں کی باہر آندا، تے اُنہاں آخیا، ”اپݨی جان بچاݨے واسطے اِس جغہ توں نسی جاؤ! پِچھے مڑی کے ناں تکیا! تے میدانے وِچ وی کُسے جغہ ناں کھلیا، بلکہ اُنہاں پہاڑیاں در جاؤ! اے ناں ہووے کہ تُساں تباہ ہوئی جاؤ!“

توریت شریف: پَیدایش 19:19

تُساں مہاڑے پر بہُوں رحم کیتا، تے مہاڑی جان بچائی اے. میں پہاڑیاں تک ناں جائی سکݨا. کُدرے اے ناں ہووے کہ او مصیبت مہاڑے پر آئی جائے تے مری جاں۔

توریت شریف: پَیدایش 49:4

تُوں پاݨِیئے نی طرح رُڑنے آلا ایں، تے تُکی کوئی اُچا مقام نی لبݨا، کِیئانکہ توں اپݨی مَتریری ماؤ نال مُونہ کالا کیتا، تے اِس طرح تُوں مہاڑی بے عزتی کِیتی۔