توریت شریف: پَیدایش 19:14 - Mirpuri-Pahari Bible

¹⁴ فِر حضرت لُوط باہر اپݨیاں تیہآں نے منگیتراں کول گئے، جنہاں نال اِنہاں نیاں تیہآں نا بِیئا ہوݨ لغا سی، تے اُنہاں کی دسیا، ”اِس جغہ وِچوں نکلو، کِیئانکہ رب اِس جغہ کی تباہ کرݨ لغا!“ پر جمایاں اے گل مزاخ ہی سمجھی، تے اُنہاں پرواہ ہی ناں کیتی۔

توریت شریف: پَیدایش 19:14 ပူးပေါင်းရင်းမြစ်များ

توریت شریف: پَیدایش 19:15

سویر ہوݨیاں ہی فرشتیاں حضرت لوط کولوں تاول کرائی، تے آخیا، ”اُٹھو! اپݨی زناݨی تے اپݨیاں دوآں تیہآں کی کہنی کے نکلی جاؤ! اِس طرح ناں ہووے کہ تُساں وی اِس شہر نی سزا نے ویلے مندیاں نال تباہ ہوئی جائیں!“

توریت شریف: پَیدایش 19:17

فِر اِس طرح ہویا کہ جس ویلے فرشتیاں اِنہاں لوکاں کی باہر آندا، تے اُنہاں آخیا، ”اپݨی جان بچاݨے واسطے اِس جغہ توں نسی جاؤ! پِچھے مڑی کے ناں تکیا! تے میدانے وِچ وی کُسے جغہ ناں کھلیا، بلکہ اُنہاں پہاڑیاں در جاؤ! اے ناں ہووے کہ تُساں تباہ ہوئی جاؤ!“

توریت شریف: پَیدایش 19:22

تاول کرو، تے اُتھے جُلو! کِیئانکہ اودُوں تک میں کُج ناں کری سکݨا جس ویلے تک تُساں اُتھے ناں پُہنچی جاؤ!“ (تاں اُس شہر نا ناں ضغر یعنی نکا پئی گیا۔)

اِنجِیل شریف (لُوقا) 24:11

صحابیاں کی اُنہاں نی گل بے معنی لغی، اِس واسطے اُنہاں کی یقِین ناں آیا۔

اِنجِیل شریف (لُوقا) 9:42

جِس ویلے اُنہاں مُنڈے کی آندا، تے اُس اپر دورہ پئی گیا۔ جِنّے اُس کی پَرَتی کے زِیمی اپر سَٹیا۔ حضرت عِیسیٰ جِنّے کی جھِڑکی کے مُنڈے وِچوں کڈی شوڑیا، تے اُس کی اُسے ویلے ٹھِیک ٹھاک کری کے پِیؤ نے حوالے کِیتا۔