توریت شریف: پَیدایش 19:12 - Mirpuri-Pahari Bible

¹² فِر اِنہاں فرشتیاں حضرت لُوط کی آخیا، ”اِتھے تُہاڑا ہور کوئی ہے وے؟ جمائی، پُتر، تِیہاں یا ہور جیہڑا کوئی تُہاڑا اِس شہر وِچ ہے؟ اِنہاں ساریاں کی اِتھوں کڈی کے کہنی کھڑ،

توریت شریف: پَیدایش 19:12 ပူးပေါင်းရင်းမြစ်များ

توریت شریف: پَیدایش 19:11

فِر فرِشتیاں اُنہاں بندیاں کی جیہڑے کہرے نے دروازے پر سݨ، جواناں تُوں کِہنی بُڈھیاں تک، اُنہاں کری شوڑیا، تے او لوک دروازہ لوڑنے لوڑنے تھکی گئے۔

توریت شریف: پَیدایش 19:13

کِیئانکہ اساں اِس جغہ کی برباد کرݨے آلے آں. اِس شہر نے لوکاں نے خِلاف لوکاں نی فریاد، جیہڑی رب تک پُہچی اے، اِتنی بڑی اے کہ رب اِس جغہ کی تباہ کرنے واسطے اساں کی پہیجیا اے۔“

توریت شریف: پَیدایش 19:14

فِر حضرت لُوط باہر اپݨیاں تیہآں نے منگیتراں کول گئے، جنہاں نال اِنہاں نیاں تیہآں نا بِیئا ہوݨ لغا سی، تے اُنہاں کی دسیا، ”اِس جغہ وِچوں نکلو، کِیئانکہ رب اِس جغہ کی تباہ کرݨ لغا!“ پر جمایاں اے گل مزاخ ہی سمجھی، تے اُنہاں پرواہ ہی ناں کیتی۔

توریت شریف: پَیدایش 19:17

فِر اِس طرح ہویا کہ جس ویلے فرشتیاں اِنہاں لوکاں کی باہر آندا، تے اُنہاں آخیا، ”اپݨی جان بچاݨے واسطے اِس جغہ توں نسی جاؤ! پِچھے مڑی کے ناں تکیا! تے میدانے وِچ وی کُسے جغہ ناں کھلیا، بلکہ اُنہاں پہاڑیاں در جاؤ! اے ناں ہووے کہ تُساں تباہ ہوئی جاؤ!“

توریت شریف: پَیدایش 19:22

تاول کرو، تے اُتھے جُلو! کِیئانکہ اودُوں تک میں کُج ناں کری سکݨا جس ویلے تک تُساں اُتھے ناں پُہنچی جاؤ!“ (تاں اُس شہر نا ناں ضغر یعنی نکا پئی گیا۔)

توریت شریف: پَیدایش 7:1

فِر رب حضرت نُوح کی آخیا، ”تُوں اپݨے سارے خاندانے سمیت کشتی وِچ بہی جا، کِیئانکہ تُوں ہی مِکی اِس زماݨے نیاں لوکاں وِچ اِک راستباز نظر آیا ایں۔