توریت شریف: پَیدایش 17:8 - Mirpuri-Pahari Bible

⁸ میں کَنعان نا سارا مُلخ، جس وِچ تُوں پردیسی ایں، تُکی تے تُہاڑیاں نسلاں کی ہمیشہ نی ملکیت نے طور پر دیساں. تے میں اِنہاں نا خدا ہوساں.“

توریت شریف: پَیدایش 17:8 ပူးပေါင်းရင်းမြစ်များ

توریت شریف: پَیدایش 12:7

اُس ویلے رب حضرت ابرام پر ظاہر ہویا تے آخیا، ”میں تُہاڑی نسلاں کی اے مُلخ دیساں.“ فِر حضرت ابرام اُتھے رب واسطے قربانی دیݨے آلی جغہ بݨائی شوڑی، جیہڑا اُنہاں اپر ظاہر ہویا سی۔

توریت شریف: پَیدایش 13:15

کِیئانکہ اے سارا مُلخ جیہڑا تُوں تکݨا ایں، میں تُکی تے تُہاڑیاں نسلاں کی ہمیشہ واسطے دیساں۔

توریت شریف: پَیدایش 13:17

ہُݨ ای اِس مُلخے نی لمائی چوڑائی وِچ سیر کر، کِیئانکہ میں تُکی اے سارا دیساں۔“

توریت شریف: پَیدایش 23:4

”میں تُساں وِچ مسافر تے پردیسی آں. تُساں مِکی قبرے واسطے جغہ دیو، تانکہ میں اپݨی کہرے آلی نی اِس مَیت کی دبی سَٹاں۔»

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 28:4

او تُکی تے تُہاڑی نسلاں کی اے ساری زِیمی ملکیت وِچ دے، جِتھے تُوں پردیسی نی حیثیت نال رہݨا ایں. اے زمین او ہی اے جیہڑی اللّٰہ تعالیٰ حضرت اِبراہِیم کی برکت دیئی کے دِتی سی.“

توریت شریف: پَیدایش 35:27

فِر حضرت یعقُوب اپݨے پیؤ حضرت اسحاق کول پہنچی گئے، جیہڑے حَبرون نے کول ممرے وِچ رہݨے سݨ. (اُس ویلے حَبرون نا ناں قِریَت اَربع سی)۔ اُتھے حضرت اسحاق تے اُنہاں تُوں پہلے حضرت ابراہیم اجنبی نی حیثیت نال رہݨے ہوݨے سݨ.

توریت شریف: پَیدایش 36:7

اُنہاں دوئاں پہراواں کول اتنا زیادہ سامان ہوئی گیا سی کہ او کٹھے نی رہی سکݨے سݨ. اُنہاں نیاں ڈنگراں نی اِتنی زیادہ پیدائِش ہوئی گئی سی کہ جتھے رہݨے سݨ اُتھے چراݨے نی جغہ کٹ سی۔

توریت شریف: پَیدایش 37:1

حضرت یعقُوب مُلخے کَنعان وِچ رہݨے سݨ، جتھے اُنہاں نا پیؤ مسافر نی طرح رہیا۔

توریت شریف: پَیدایش 48:4

آخیا کہ ”میں تُکی پھلݨ پھُلݨ دیساں تے تُہاڑی تعداد بدھاساں۔ میں تہاڑے وِچوں بہُوں قبِیلے پیدا کرساں، تے تہاڑے پِچھے تُہاڑی نسلاں کی اے زِیمی ہمیشہ واسطے ملکیَت وِچ دیساں۔“