توریت شریف: پَیدایش 17:6 - Mirpuri-Pahari Bible

⁶ میں تُکی بہُوں زیادہ بدھاساں، تے میں تُہاڑے کولوں قوماں پیدا کرساں. تے تُہاڑی نسلاں وِچوں بادشاہ بݨسݨ۔

توریت شریف: پَیدایش 17:6 ပူးပေါင်းရင်းမြစ်များ

توریت شریف: پَیدایش 13:16

میں تُہاڑیاں نسلاں کی مٹی نیاں ذریاں نی طرح بڑاساں. جِسرح کوئی مٹی نیاں زریاں کی نی گِݨی سکݨا، اِسے طرح تُساں نی نسلاں کی وی کوئی نی گِݨی سکݨ لغا!

توریت شریف: پَیدایش 17:16

تے میں اُس کی وی برکت دیساں، تے اُس کولوں تُہاڑا اِک پُتر ہوسی. میں سارہ کی اِتنی برکت دیساں کہ قوماں اُس نیاں نسلاں وِچوں ہوسݨ، تے قوماں نے بادشاہ اُس وِچوں جَمسَݨ.“

توریت شریف: پَیدایش 17:20

تے اسماعیل واسطے وی میں تُہاڑی دُعا سُݨی کِہندی. تک، میں اُس کی وی برکت دیساں. میں اُس کی پَھلݨ پھولݨ دیساں، تے اُس نی تعداد بہُوں ہی زیادہ بدھاساں. اِس کولوں بارہ شہزادے جَمسݨ، تے میں اُس کولوں اِک بڑی قوم وی بݨاساں۔

توریت شریف: پَیدایش 17:4

”تک! مہاڑا عہد تہاڑے نال اے، کہ تُوں بہوُں قوماں نا پیو ہوسیں۔

توریت شریف: پَیدایش 26:22

فِر او اُتھوں دوئی جغہ گئے تے اِک ہور کھُوہ کھُݨیا، تے اُس پر اُنہاں لوکاں چہگڑا نی کِیتا. اِس واسطے حضرت اسحاق اُس نا ناں ”رِحوبوت“ یعنی ”کھُلی جغہ“ رخیا، تے آخیا، ”رب اے جغہ اساں واسطے بݨائی اے، تے ہُݨ اَساں اِس مُلخے وِچ پھلساں تے بَدساں۔“

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 41:52

تے دوئے نا ناں اِفرائِیم، اے آخی کے رخیا کہ، ”اللّٰہ تعالیٰ مِکی مہاڑے مصیبت نے مُلخے وِچ پھلدار کیتا اے»۔

توریت شریف: پَیدایش 47:27

حضرت یعقُوب نی اولاد، یعنی بنی اسرائیلی لوک، مُلخ مصر وِچ جوشن نے علاقے وِچ رہݨے سݨ. اُتھے اُنہاں کی زمین لبھی، تے او بہُوں سارے پَھلے پھولے، تے اُنہاں نی تعداد بہُوں ہی زیادہ ہوئی گئی۔

توریت شریف: پَیدایش 48:3

فِر اُنہاں حضرت یُوسف کی آخیا، «اللّٰہ تعالیٰ مہاڑے پر لُوز نے علاقے وِچ، جیہڑا مُلخ کَنعان وِچ اَے، ظاہر ہویا. اُس مِکی برکت دیئی کے

توریت شریف: پَیدایش 48:4

آخیا کہ ”میں تُکی پھلݨ پھُلݨ دیساں تے تُہاڑی تعداد بدھاساں۔ میں تہاڑے وِچوں بہُوں قبِیلے پیدا کرساں، تے تہاڑے پِچھے تُہاڑی نسلاں کی اے زِیمی ہمیشہ واسطے ملکیَت وِچ دیساں۔“