توریت شریف: پَیدایش 17:5 - Mirpuri-Pahari Bible

⁵ تُہاڑا ناں ہُݨ ابرام نی ہوݨ لغا، بلکہ تُہاڑا ناں اِبراہِیم ہوسی، کِیئانکہ میں تُکی بہوُں قوماں نا پیو بݨائی شوڑیا اے.

توریت شریف: پَیدایش 17:5 ပူးပေါင်းရင်းမြစ်များ

توریت شریف: پَیدایش 17:15

فِر اللّٰہ تعالیٰ حضرت اِبراہِیم کی آخیا، ”ساری جیہڑی تُہاڑی کہرے آلی اے، اِس کی ہُݨ ساری ناں آخیاں، بلکہ اِس نا ناں ہُݨ سارہ ہوسی.

توریت شریف: پَیدایش 32:28

فِر اُس بندے آخیا، ”اج تُوں بعد تُہاڑا ناں یعقُوب ناں ہوسی، بلکہ ”اسرائیل“ ہوسی، کِیئانکہ تُوں خُدا تے بندیاں نال زور آزمائی کیتی تے توں ڈاڈھا ہوئی گیا ایں۔“ (”اسرائیل“ نا مطلب اے ’او خُدا نال کُلݨا‘.)

توریت شریف: پَیدایش 32:29

حضرت یعقُوب اُس کی آخیا، ”میں تُساں نی منت کرنا آں کہ تُساں مِکی اپݨا ناں دسی شوڑو۔“ پر اُس آخیا، ”توں مہاڑا ناں کِیئاں پُچھݨا ایں؟“ فِر اُس اُنہاں کی برکت دِتی۔

توریت شریف: پَیدایش 35:10

اُس اُنہاں کی آخیا، ”تُہاڑا ناں یعقُوب اے. پر تُکی ہُݨ یعقُوب نے نائیں نال نی بُلایا جاݨ لغا، بلکہ ہُݨ تُہاڑا ناں اسرائیل ہوسی.“ اِس طرح خُدا اُنہاں نا نوا ناں اِسرائیل رخیا.