توریت شریف: پَیدایش 17:4 - Mirpuri-Pahari Bible

⁴ ”تک! مہاڑا عہد تہاڑے نال اے، کہ تُوں بہوُں قوماں نا پیو ہوسیں۔

توریت شریف: پَیدایش 17:4 ပူးပေါင်းရင်းမြစ်များ

توریت شریف: پَیدایش 12:2

میں تہاڑے وِچوں بڑی قوم بݨاساں، تُکی برکت دیساں، تے تُہاڑا ناں بڑا کرساں، تانکہ توں برکت نا ذریعہ بݨیں۔

توریت شریف: پَیدایش 13:16

میں تُہاڑیاں نسلاں کی مٹی نیاں ذریاں نی طرح بڑاساں. جِسرح کوئی مٹی نیاں زریاں کی نی گِݨی سکݨا، اِسے طرح تُساں نی نسلاں کی وی کوئی نی گِݨی سکݨ لغا!

توریت شریف: پَیدایش 16:10

میں تُہاڑی اولاد اِتنی بدھاساں کہ کوئی اُنہاں کی گِݨی وی نی سکݨ لغا۔

توریت شریف: پَیدایش 22:17

کہ میں تُکی بہُوں برکت دیساں. تُہاڑی نسل اِتنی بدہاساں جِتنے آسمانے پر تارے اݨ، تے جِتنی سمندر نے کنارے پر ریت اے۔ تے تُہاڑی اُولاد اپݨے دُشمݨاں پر فتح حاسل کرسی.

توریت شریف: پَیدایش 25:23

رب اُنہاں کی آخیا، ”تہاڑے ٹہڈے وِچ دو قوماں اݨ، تے دو مُخالف قبیلے تُساں کولوں جَمسݨ. اِک قبیلہ دوئے قبیلے کولوں ڈاڈھا ہوسی، تے جیہڑا بڑا ہوسی نکے نی خِدمت کرسی۔»

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 32:12

اے تُہاڑا ہی آخݨا اے کہ ’میں تہاڑے نال ضرور چنگیائی کرساں تے تُہاڑی نسلاں سمندر نی ریتو نی طرح بدھاساں جہڑیاں گِݨݨ ناں ہوسݨ‘.“

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 48:19

پر اُنہاں نے پیؤ ناں مَنیا تے آخیا، «اے مہاڑیا پُترا! مِکی پتہ اے. مِکی پتہ اے. اِس کولوں وی اِک قوم پیدا ہوسی تے اے وی بڑا بݨسی. پر اِس نا نِکا پہرآ اِس کولوں بہُوں ہی بڑا ہوسی، کِیئانکہ اِس نی نسلاں وِچوں بہُوں قوماں ہوسݨ۔»