توریت شریف: پَیدایش 17:1 - Mirpuri-Pahari Bible

¹ جس ویلے حضرت ابرام نَنِنَوے سالاں نے ہوئے، اُس ویلے رب اُنہاں پر ظاہر ہویا تے آخیا، ”میں اللّٰہ قادرِ مطلق آں۔ مہاڑے مُطابق زِندگی گُزار، تے بے اِلزام رہو۔

توریت شریف: پَیدایش 17:1 ပူးပေါင်းရင်းမြစ်များ

توریت شریف: پَیدایش 12:1

رب حضرت ابرام کی آخیا سا، ”اپݨا ملخ، اپݨے رشتہ دار تے اپݨے پیؤ نے کہرے کی چھوڑی کے اُس مُلخے در جا جیہڑا میں تُکی دسساں۔

توریت شریف: پَیدایش 12:7

اُس ویلے رب حضرت ابرام پر ظاہر ہویا تے آخیا، ”میں تُہاڑی نسلاں کی اے مُلخ دیساں.“ فِر حضرت ابرام اُتھے رب واسطے قربانی دیݨے آلی جغہ بݨائی شوڑی، جیہڑا اُنہاں اپر ظاہر ہویا سی۔

توریت شریف: پَیدایش 16:16

جدوں بی بی ہاجرہ نا پُتر جمیا سی حضرت ابرام چھیاسیاں سالاں نے سݨ۔

توریت شریف: پَیدایش 18:1

اِک دیہاڑے، جس ویلے حضرت اِبراہِیم دیہاڑی گرمی وِچ اپݨے تمبو نے مُونہے اگے بیٹھے وے سݨ، رب مَمرے نے بڑے درختاں نے نیڑے اُنہاں اپر ظاہِر ہویا.

توریت شریف: پَیدایش 18:14

کَے رب واسطے کوئی کم نامُمکِن اے؟ اِک سال بعد اِسے ویلے میں مُڑی اچھساں تے تُہاڑی کہار آلی کی پُتر جمی رہی ہوسی.“

توریت شریف: پَیدایش 24:40

اُنہاں فِر مِکی آخیا کہ ’رب، جس نے حُکم نے مُطابق میں زندگی گُزارنا ریا آں، او تہاڑے نال اپݨا فرشتہ پہیجسی تے تُہاڑا سفر کامیاب کرسی. تُوں ضرور مہاڑے پُترے واسطے مہاڑیاں رِشتے داراں تے مہاڑے پیؤ نے کہرے وِچوں کُڑی آݨسیں.

توریت شریف: پَیدایش 26:2

رب حضرت اسحاق پر ظاہر ہویا تے آخیا، ”مِصر در ناں جا، بلکہ جیہڑا مُلخ میں تُساں کی دَسساں اُتھے ہی رہ۔

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 43:14

تے اللّٰہ تعالیٰ اُس بندے کی تُساں پر مہربان کرے، تے تُساں نے دوئے پہراؤ، تے بن یامِین کی وی، تُساں نال موڑی کے پہیجھے- جِتے تک مہاڑی گل اے، جے میں بے اولاد ہوݨا ہویا، تے فِر اِسے طرح ہوسی!»

توریت شریف: پَیدایش 46:3

اللّٰہ تعالیٰ آخیا، «میں خُدا آں! تے میں تہاڑے پیؤ نا خُدا آں! مصر وِچ جاݨے تُوں ناں ڈر، کِیئانکہ میں اُتھے تہاڑے وِچوں اِک بڑی قوم پیدا کرساں۔

توریت شریف: پَیدایش 48:15

اُنہاں حضرت یُوسف کی برکت دیݨیاں آخیا، «اللّٰہ تعالیٰ جس نے سامݨے مہاڑے پیؤ حضرت اسحاق تے مہاڑے دادے حضرت اِبراہِیم اپݨا زمانہ پورا کیتا، تے او اللّٰہ تعالیٰ جس ساری عمر اَج نے دیہاڑے تک مہاڑی رکھوالی کیتی اَے،

توریت شریف: پَیدایش 48:3

فِر اُنہاں حضرت یُوسف کی آخیا، «اللّٰہ تعالیٰ مہاڑے پر لُوز نے علاقے وِچ، جیہڑا مُلخ کَنعان وِچ اَے، ظاہر ہویا. اُس مِکی برکت دیئی کے

توریت شریف: پَیدایش 5:22

مَتُوشالح نے جمݨے تُوں بعد حضرت حنُوک 300 سال ہور قُربِ اِلٰہی وِچ گُزارے، تے اُنہاں نے ہور تیہاں تے پتر جمݨے رہے۔

توریت شریف: پَیدایش 5:24

او قُربِ اِلٰہی وِچ رہے، فِر اللّٰہ تعالیٰ اُنہاں کی چاہی کِہندا، تے او فِر نظر نی آئے۔

توریت شریف: پَیدایش 6:9

حضرت نُوح نا قصہ اے اَے۔ حضرت نُوح اِک چنگے تے راستباز بندے سݨ، تے اپݨے زماݨے نیاں لوکاں وِچ صِرف او ہی اِک نیک بندے سݨ۔ او قُربِ اِلٰہی وِچ رہݨے سݨ۔

اِنجِیل شریف (لُوقا) 1:6

حضرت زکریاہ تے اُنہاں نی بِیوی دوئے پرہیزگار سݨ، تے او بہُوں خلُوص نال اللّٰہ تعالیٰ نی شرِیعت اپر چلݨے سݨ۔