توریت شریف: پَیدایش 16:8 - Mirpuri-Pahari Bible

⁸ فرشتے اُس کی پُچھیا، ”اے ہاجرہ! تُوں کُتھوں آئی ایں، تے کُدھر جُلی ایں؟“ بی بی ہاجرہ جواب دِتا، ”میں اپݨی مالکݨ بی بی ساری کولوں نسی کے آئی آں۔“

توریت شریف: پَیدایش 16:8 ပူးပေါင်းရင်းမြစ်များ

توریت شریف: پَیدایش 16:1

ہالے تک حضرت ابرام نی بیوی بی بی ساری کی کوئی اولاد نی سی ہوئی. پر بی بی ساری نی اِک مصری لُونڈی سی جس نا ناں بی بی ہاجرہ سی.

توریت شریف: پَیدایش 16:4

حضرت ابرام بی بی ہاجرہ کول گئے، تے او حاملہ ہوئی گئی. جدوں بی بی ہاجرہ کی پتہ لغا کہ او حاملہ ہوئی گئی اے، فِر او اپݨی مالکݨ نی قدر کٹ کرنا شُروع ہوئی گئی۔

توریت شریف: پَیدایش 16:9

فِر فرشتے آخیا، ”توں اپݨی مالکݨ کول مڑی جا، تے اپݨی جان اُس نے حوالے کری شوڑ۔

توریت شریف: پَیدایش 21:17

اللّٰہ تعالیٰ مُنڈے نے روݨے نی واز سُݨی، تے فِر خُدا نے فرشتے آسمانے وِچوں بی بی ہاجرہ کی واز دِتی، ”ہاجرہ، تُکی کے ہوئی گیا؟ ناں ڈر! اللّٰہ تعالیٰ تہاڑے مُنڈے نی واز سُݨی کِہندی۔

توریت شریف: پَیدایش 3:9

پر رب تعالیٰ بندے کی آواز ماری، "تُوں کُتھَے ایں؟"

توریت شریف: پَیدایش 4:10

رب آخیا، ”تُوں کَے کِیتا؟ مِکی اِس طرح لغݨا کہ تہاڑے پہراؤ نا خون مِکی زِیمی وِچوں واز دیݨا۔