توریت شریف: پَیدایش 16:14 - Mirpuri-Pahari Bible

¹⁴ اِسے واسطے اُس کھُوئے نا ناں بِیر لحی روئی، مطلب ”زندہ ہستی نا کھُوہ، جیہڑا مِکی تکݨا اے“ رخیا گیا. او قادِش تے بَرد نے بشکار اے.

توریت شریف: پَیدایش 16:14 ပူးပေါင်းရင်းမြစ်များ

توریت شریف: پَیدایش 14:7

فِر او مُڑی کے عین مِصفات یعنی قادِش پُہچے، تے اُنہاں عمالیقیاں نے سارے مُلخے کی فتع کری کِہندا، تے اموریاں کی جیہڑے حصیصون تمر وِچ رہننے سݨ وی شِکست دِتی۔

توریت شریف: پَیدایش 16:15

فِر بی بی ہاجرہ نا اِک پُتر ہویا، تے حضرت ابرام اُس نا ناں اِسماعِیل رخیا.

توریت شریف: پَیدایش 21:19

فِر اللّٰہ تعالیٰ بی بی ہاجرہ نیاں اکھیاں کھولیاں، تے اُنہاں پاݨِیئے نا اِک کھُوہ تکیا. اُنہاں جائی کے مشک پاݨِیئے نال پَہری آندی، تے مُنڈے کی پلایا۔

توریت شریف: پَیدایش 21:31

اِس واسطے اُس جغہ نا ناں بیر سبع یعنی قسم نا کھُوہ رخیا گیا، کِیئانکہ اُتھے اُنہاں دوآں قسم کھادی سی۔

توریت شریف: پَیدایش 24:62

اُس ویلے حضرت اسحاق جنوب آلے پاسے نیگیوَ نے عِلاقے وِچ رہݨے سݨ. او بیر لحی روئی دروں آئے سݨ.

توریت شریف: پَیدایش 25:11

حضرت اِبراہِیم نے فوت ہوݨے توں بعد اللّٰہ تعالیٰ اِنہاں نے پُترے حضرت اسحاق کی برکت دِتی. تے او بیر لحی روئی نے نیڑے رہݨ لغی پئے۔