توریت شریف: پَیدایش 16:12 - Mirpuri-Pahari Bible

¹² مُنڈا اِک سخت جان تے آزاد بندہ ہوسی، جیہڑا ساریاں نے خلاف ہوسی تے سارے اُس نے خلاف ہوسݨ. تے اپݨیاں ساریاں پہراواں نال دُشمݨی وی رخسی.“

توریت شریف: پَیدایش 16:12 ပူးပေါင်းရင်းမြစ်များ

توریت شریف: پَیدایش 21:20

جُوں جُوں حضرت اِسماعِیل بڑے ہوݨے گئے، تے اللّٰہ تعالیٰ اُنہاں نال سی. او فاران نیاں بیاباناں وِچ رہݨ لغے، تے تیر انداز بݨے۔

توریت شریف: پَیدایش 25:18

اُنہاں نی اولاد اُس علاقے وِچ رہݨ لغی پئی جیہڑا حوِیلہ تے شُور نے بشکار اے، تے جیہڑا مصر نے مشرق وِچ اَسُور آلے پاسے اے. او حضرت اِبراہِیم نی باقی نسل کولوں الگ رہݨے سݨ۔

توریت شریف: پَیدایش 27:40

تہاڑی زندگی تلواراں نے زورے پر لنگسی، تے تُوں اپݨے پہراؤ نی خدمت کرسیں. پر جدوں تُوں بے چین ہوئی جاسیں، تے تُوں اُس نی غلامی نی زنجِیر اپݨے گلے وِچوں کہڈی کے سٹی شوڑسیں.“

توریت شریف: پَیدایش 37:25

فِر او روٹی کھاݨے واسطے بیٹھے- اُس ویلے اُنہاں اُپر تکیا کہ بنی اسماعِیلیاں نا اِک قافلہ جِلعاد نے علاقے تُوں اچھݨا پیا، جیہڑا مختلف قسم نے خوشبودار مصالے اُونٹھاں پر لدی کے مصر در جاݨا پیا۔