توریت شریف: پَیدایش 15:2 - Mirpuri-Pahari Bible

² پر حضرت ابرام اعتراض کیتا، ”اے رب قادر مطلق، تُوں مِکی کَے دیسیں؟ میں تے اجے تک اوتر آں، تے مہاڑی ساری وراثت نا مالک مہاڑا نوکر اِلی عزر دمشقی بݨی جاسی.

توریت شریف: پَیدایش 15:2 ပူးပေါင်းရင်းမြစ်များ

توریت شریف: پَیدایش 14:15

راتی اُنہاں اپݨے بندیاں کی ٹولیاں بݨائی کے دُشمݨ پر حملہ کری شوڑیا. دُشمݨ ہاری کے نسیا، تے حضرت ابرام دمشق نے شُمال آلے علاقے حوبہ تک انہاں نا پِچھا کِیتا۔

توریت شریف: پَیدایش 15:1

اُس توں بعد اللّٰہ تعالیٰ نا کلام حضرت ابرام پر نازل ہویا کہ، ”اے ابرام، توں ناں ڈر! میں تُہاڑی ٹہال آں۔ تُکی بڑا اجر لبھسی.“

توریت شریف: پَیدایش 15:3

تُوں مِکی اولاد نی بخشی. اِس واسطے مہاڑے کہرے نا نوکر مہاڑا وارث ہوسی.“

توریت شریف: پَیدایش 24:10

فِر او اپݨے مالک نے دس اُونٹھاں پر قیمتی تحفے لدی کے مسوِپتامیہ مُلک در روانہ ہوئی گیا. ٹُرنا ٹُرنا او اُس شہر پُہجھی گیا جِتھے حضرت اِبراہِیم نا پہرآ نحُور رہݨا سی.

توریت شریف: پَیدایش 24:2

اِک دیہاڑے اُنہاں اپݨے کہار نے ساریاں تُوں بڑے نوکر کی جیہڑا جائیداد نا پُورا انتظام چلاݨا سی، آخیا، ”رسم نے مُطابق مہاڑے پٹ تلھے ہتھ رخ.

توریت شریف: پَیدایش 25:21

حضرت اسحاق اپݨے کہری آلی واسطے رب اگے دُعا کیتی، کِیئانکہ او بانج سی. رب اُنہاں نی دعا منظور کیتی، تے بی بی رِبقہؑ حاملہ ہوئی۔

توریت شریف: پَیدایش 39:9

اِس کہرے وِچ مہاڑے کولوں بڑا کوئی وی نی- تے مالِک تُساں تُوں علاوہ کوئی چیز مہاڑے تُوں اولَے نی رخی، کِیئانکہ تُساں اُس نی زناݨی او- فِر میں تُساں نال اِتنا پہیڑا کم کِیئاں کراں، تے اللّٰہ تعالیٰ نا غُنہگار بݨاں؟»

توریت شریف: پَیدایش 43:19

اِس واسطے کہرے نے دروازے پر پُہنچی کے اُنہاں کہرے نے ملازمے کی آخیا،

توریت شریف: پَیدایش 44:1

حضرت یُوسف اپݨے کہرے نے ملازمے کی حکم دِتا، «اِنہاں بندیاں نیاں بوریاں وِچ جِتنا غلہ کھڑی سکݨ پہری کے چائی دے، تے ہر بندے نے نقد پیسے وی اِنہاں نیاں بوریاں نے مونہیں وِچ بائی سٹ۔