توریت شریف: پَیدایش 15:1 - Mirpuri-Pahari Bible

¹ اُس توں بعد اللّٰہ تعالیٰ نا کلام حضرت ابرام پر نازل ہویا کہ، ”اے ابرام، توں ناں ڈر! میں تُہاڑی ٹہال آں۔ تُکی بڑا اجر لبھسی.“

توریت شریف: پَیدایش 15:1 ပူးပေါင်းရင်းမြစ်များ

توریت شریف: پَیدایش 15:2

پر حضرت ابرام اعتراض کیتا، ”اے رب قادر مطلق، تُوں مِکی کَے دیسیں؟ میں تے اجے تک اوتر آں، تے مہاڑی ساری وراثت نا مالک مہاڑا نوکر اِلی عزر دمشقی بݨی جاسی.

توریت شریف: پَیدایش 15:4

فِر اللّٰہ تعالیٰ نا کلام حضرت ابرام اپر نازل ہویا، ”اے بندہ تُہاڑا وارث نی ہوݨ لغا، بلکہ تُہاڑا وارث او ہوسی جیہڑا تُہاڑے وِچوں جمسی۔“

توریت شریف: پَیدایش 21:17

اللّٰہ تعالیٰ مُنڈے نے روݨے نی واز سُݨی، تے فِر خُدا نے فرشتے آسمانے وِچوں بی بی ہاجرہ کی واز دِتی، ”ہاجرہ، تُکی کے ہوئی گیا؟ ناں ڈر! اللّٰہ تعالیٰ تہاڑے مُنڈے نی واز سُݨی کِہندی۔

توریت شریف: پَیدایش 22:1

اِنہاں ساریاں گلاں توں بعد اِس طرح ہویا کہ اللّٰہ تعالیٰ حضرت اِبراہِیم کی آزمایا تے آخیا، ”اے اِبراہِیم!“ اُنہاں جواب دِتا، ”جی، میں حاضر آں۔“

توریت شریف: پَیدایش 22:20

کُج مُدت تُوں بعد حضرت اِبراہِیم کی اے خبر پُہنچی کہ ”تُساں نے پہراؤ نحور نی بیوی مِلکاہ وِچوں مُنڈے جمے اݨ،

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 31:7

پر تُساں نے پیؤ دَس واری مِکی تہوخا دیئی کے مہاڑی مزدوری بدلائی اے. پر اللّٰہ تعالیٰ مِکی اُس کولوں نقصان نی پُہنچݨ دِتا۔

اِنجِیل شریف (لُوقا) 1:13

فرِشتے اُنہاں کی آخیا، ”زکریاہ، تُوں ڈَر ناں! اللّٰہ تعالیٰ تُہاڑی دُعا قبُول کری شوڑی اَے۔ تُہاڑی بِیوی کی پُتر ہوسی، تے تُوں اُس نا ناں یَحییٰ رخیاں۔

اِنجِیل شریف (لُوقا) 1:30

فِر فرِشتے آخیا، ”مَریم، تُوں ڈر ناں! اللّٰہ تعالیٰ تہاڑے اپر فضل کِیتا اَے۔

اِنجِیل شریف (لُوقا) 12:32

مُٹّھی بَھر لوکو، خوف زَدہ ناں ہووو، کِیئانکہ تُساں نے آسمانی باپ کی خُوشی اَے کہ او تُساں کی اپݨی بادشاہی وِچ شامِل کرے۔