توریت شریف: پَیدایش 14:8 - Mirpuri-Pahari Bible

⁸ اُس ویلے سدُوم، عُمُورہ، اَدمہ، ضبوئِیم تے بالع یعنی ضُغر نے بادشاہ نکلے، تے اُنہاں وی سِدِیم نی وادی وِچ جمع ہوئی کے لڑائی واسطے صفاں بدیاں.

توریت شریف: پَیدایش 14:8 ပူးပေါင်းရင်းမြစ်များ

توریت شریف: پَیدایش 10:19

کہ اُنہاں نیاں حداں شمال وِچ صَیدُون شہر تُوں جنوب آلے پاسے جرار شہر آلی طرفوں غزّہ شہر تک، تے اُتھوں مشرق نے پاسے سدُوم، عمُورہ، ادمہ تے ضِبُوئِیم شہراں آلی طرفوں لَسَع شہر تک سݨ۔

توریت شریف: پَیدایش 13:10

فِر حضرت لُوط آسے پاسے تکیا، تے اُنہاں نی نظر وادی اُردن پر ٹھہری. اے ساری وادی شہر ضُغر تک سرسبز سی، تے جنّت عدن یا مُلخ مِصر نی طرح لغݨی سی. ( اے رب نے سدُوم شہر تے عُمُورہ شہر نی تباہی کرنے توں پہلوں نی گل اے.)

توریت شریف: پَیدایش 14:10

سِدِیم نی وادی وِچ جغہ جغہ تارکول نے کھڈے سݨ. جِسلے سدُوم تے عُمُورہ نے بادشاہ تے اُنہاں نے فوجی نسݨے پئے سݨ، اُنہاں وِچوں کُج فوجی اُتھے ٹہٹھے، تے باقی پہاڑی علاقے در نسی گئے۔

توریت شریف: پَیدایش 14:9

اِنہاں پنج بادشاہواں، عیلام نے بادشاہ کِدرلا عُمر، جوئِیم نے بادشاہ تدعال، سِنعار نے بادشاہ امرافل، تے اِلاسر نے بادشاہ اریوک نال جنگ کیتی. اے چار بادشاہ اُنہاں پَنجاں بادشاہواں نے خلاف سݨ.

توریت شریف: پَیدایش 19:20

تکو، اِتھے اِک شہر اے جیہڑا مہاڑے نیڑے وی اے تے نکا وی اے. مِکی اُتھے جاݨ دیو، تے مہاڑی زندگی وی بچی جاسی.“

توریت شریف: پَیدایش 19:22

تاول کرو، تے اُتھے جُلو! کِیئانکہ اودُوں تک میں کُج ناں کری سکݨا جس ویلے تک تُساں اُتھے ناں پُہنچی جاؤ!“ (تاں اُس شہر نا ناں ضغر یعنی نکا پئی گیا۔)