توریت شریف: پَیدایش 14:19 - Mirpuri-Pahari Bible

¹⁹ اُس حضرت ابرام کی برکت دیݨیاں آخیا، ”اللّٰہ سبحانه و تعالیٰ نی طرفوں، جیہڑا آسمان تے زِیمی نا خالق اے، ابرام پر برکت ہووے۔

توریت شریف: پَیدایش 14:19 ပူးပေါင်းရင်းမြစ်များ

توریت شریف: پَیدایش 14:22

پر حضرت ابرام اُس کی آخیا، ”میں ہُݨ رب، اللّٰہ سبحانه و تعالیٰ، جیہڑا آسمان تے زمین نا خالق و مالِک اے، اُس نی قسم چاݨا آں،

توریت شریف: پَیدایش 24:3

میں تہاڑے کولوں رب نی قسم کِہننا آں، جیہڑا دوآں جہاناں نا مالک اے، کہ تُوں کنعانیاں وِچوں جِہناں نے وِچ میں رہݨا آں، مہاڑے پُترے اسحاق کی ناں بیاسیں،

توریت شریف: پَیدایش 27:4

مہاڑی پسند نے مطابق مزیدار پکائی کے مہاڑے اگے آݨ، تانکہ میں کھاں تے تُکی اپݨے جِیݨیاں ہی دعا دیاں۔“

توریت شریف: پَیدایش 47:10

اے گلاں کری کے حضرت یعقُوب فرعون کی دُعاواں دِتیاں، تے اُس کولوں ٹُری گئے۔

توریت شریف: پَیدایش 47:7

فِر حضرت یُوسف اپݨے پیؤ حضرت یعقُوب کی اندر کہنی آئے، تے اُنہاں کی فرعون اگے حاضر کِیتا، تے حضرت یعقُوب فرعون کی دُعاواں دِتیاں۔

توریت شریف: پَیدایش 49:28

اے بنی اِسرائیل نے کُل بارہ قبیلے اݨ، تے اے او کُج اے جیہڑا اُنہاں نے پِیؤ اُنہاں کی برکت دیݨیاں آخیا. اُنہاں ہر اِک کی اُس نی اپݨی برکت دِتی.

اِنجِیل شریف (لُوقا) 10:21

اُسے ویلے حضرت عِیسیٰ رُوحِ پاک نے وسِیلے نال خُوش ہوئی کے اللّٰہ تعالیٰ نی شُکر گُزاری کِیتی، ”اَے باپ، زِیمی و آسمان نے مالِک! میں تُہاڑا شُکر ادا کرنا آں کہ تُوں اے گلاں عالماں تے عقلمنداں کولوں چُھپایاں اݨ، پر سِدھیاں تے سادیاں کی دسی شوڑیاں اݨ۔ ہاں اَے باپ! تُہاڑی رَضا اِسرح ہی سی۔“