توریت شریف: پَیدایش 13:7 - Mirpuri-Pahari Bible

⁷ اِس واسطے حضرت ابرام نے نوکر تے حضرت لُوط نے نوکر آپے وِچ کُہلݨ لغے۔ اُس ویلے کنعانی تے فرزی لوک وی اُتھے رہݨے سݨ۔

توریت شریف: پَیدایش 13:7 ပူးပေါင်းရင်းမြစ်များ

توریت شریف: پَیدایش 10:19

کہ اُنہاں نیاں حداں شمال وِچ صَیدُون شہر تُوں جنوب آلے پاسے جرار شہر آلی طرفوں غزّہ شہر تک، تے اُتھوں مشرق نے پاسے سدُوم، عمُورہ، ادمہ تے ضِبُوئِیم شہراں آلی طرفوں لَسَع شہر تک سݨ۔

توریت شریف: پَیدایش 12:6

فِر حضرت ابرام اُس مُلخے وِچوں لنگݨیاں لنگݨیاں سِکم شہر نے عِلاقے وِچ مورہ نے بڑے درختے تک پہنچی آئے. اُنہاں دیہاڑیاں وِچ اُس مُلخے وِچ کنعانی رہننے سݨ۔

توریت شریف: پَیدایش 21:25

فِر حضرت اِبراہِیم اِک کھُوئے نے بارے وِچ جیہڑا بادشاہ ابی ملک نیاں نوکراں زبردستی کھسیا سی، بادشاہ کی شِکایت کِیتی۔

توریت شریف: پَیدایش 26:20

پر جرار نے ڈنگر چراݨے آلیاں حضرت اسحاق نے ڈنگر چراݨے آلیاں نال چہگڑا کِیتا تے آخݨ لغے، ”اے پاݨی اَساں نا اے!“ اِس واسطے حضرت اسحاق کھوئے نا ناں ”عِسق“ یعنیٰ ”چہگڑا“ رخیا، کِیئانکہ اِنہاں حضرت اسحاق نال چہگڑا کِیتا سی۔

توریت شریف: پَیدایش 34:30

فِر حضرت یعقُوب شمعون تے لاوی کی آخیا، ”تُساں مِکی مصیبت وِچ بائی شوڑیا اے! تُساں مِکی اِس مُلخے نے رہݨے آلیاں، مطلب کنعانیاں تے فرزیاں، وِچ پہیڑا کری شوڑیا اے! مہاڑے نال تھوڑے بندے ہی اݨ. جے او مِلی کے مہاڑے مقابلے وِچ آئے، تے مہاڑے پر حملہ کرسݨ، تے میں اپݨے کہرے آلیاں سمیت برباد ہوئی جاساں!“

توریت شریف: پَیدایش 46:34

تے تساں اے آخݨا کہ ”اَساں تُساں نے خادم، تے اَساں نے پیؤ دادے، بچپن تُوں ہی ڈنگر پالݨے آں.“ تاں تُساں جوشن نے علاقے وِچ رہی سکسو، کِیئانکہ مصریاں کی بکروالاں نال نفرت اے۔»