توریت شریف: پَیدایش 13:18 - Mirpuri-Pahari Bible

¹⁸ فِر حضرت ابرام اپݨا ڈیرا پَٹیا، تے حبرون وِچ جائی کے ممرے نے بڑے درختاں کول رہݨ لغے، تے فِر اُتھے رب واسطے اِک قربانی دیݨے آلی جغہ بݨائی۔

توریت شریف: پَیدایش 13:18 ပူးပေါင်းရင်းမြစ်များ

توریت شریف: پَیدایش 13:4

اے او ہی جغہ سی جتھے شروع وِچ اُنہاں قربانی دیݨے آلی جغہ بݨائی سی. فِر اُتھے حضرت ابرام رب نی عبادت کِیتی۔

توریت شریف: پَیدایش 14:13

فِر اِک آدمی جِیہڑا بچی گیا سی، اُس حضرت ابرام عبرانی کی جائی کے سب کُج دسیا، جیہڑے ممرے اموری نے بڑے درختاں کول رہݨے سݨ. ممرے، تے اُس نے پہرآ اِسکال تے عانِیر، حضرت ابرام نے اِتحادی سݨ۔

توریت شریف: پَیدایش 18:1

اِک دیہاڑے، جس ویلے حضرت اِبراہِیم دیہاڑی گرمی وِچ اپݨے تمبو نے مُونہے اگے بیٹھے وے سݨ، رب مَمرے نے بڑے درختاں نے نیڑے اُنہاں اپر ظاہِر ہویا.

توریت شریف: پَیدایش 22:9

ٹُرنے ٹُرنے او اُس جغہ پر پُہنچے جیہڑی اللّٰہ تعالیٰ حضرت اِبراہِیم پر دسّی سی. اُنہاں اُتھے قربانی دیݨے آلی اِک جغہ بݨائی، تے لکڑیاں ترتِیب نال رخیاں. فِر اُنہاں اِسحاق کی بنی کے قربانی دیݨے آلی جغہ پر رخی شوڑیا،

توریت شریف: پَیدایش 23:2

مُلک کَنعان نے شہر قِریَت اربع وِچ فوت ہوئے. (اِس کی حبرون وی آخݨے اݨ.) تے حضرت اِبراہِیم بی بی سارہ نا ماتم کرنے واسطے گئے۔

توریت شریف: پَیدایش 26:25

فِر حضرت اسحاق اُتھے اِک قربانی دیݨے آلی جغہ بݨائی تے رب نی عِبادت کیتی. تے اتھے اپݨا ڈیرہ لایا، تے اُنہاں نیاں نوکراں اِک کھُوہ وی کھُݨیا۔

توریت شریف: پَیدایش 35:27

فِر حضرت یعقُوب اپݨے پیؤ حضرت اسحاق کول پہنچی گئے، جیہڑے حَبرون نے کول ممرے وِچ رہݨے سݨ. (اُس ویلے حَبرون نا ناں قِریَت اَربع سی)۔ اُتھے حضرت اسحاق تے اُنہاں تُوں پہلے حضرت ابراہیم اجنبی نی حیثیت نال رہݨے ہوݨے سݨ.

توریت شریف: پَیدایش 37:14

فِر حضرت یقُوب آخیا، «تُوں جا، تے تک کہ تُہاڑیاں پہراواں تے پِہڈاں بکریاں نا کَے حال اَے۔ تے مُڑی اچھی مِکی دس۔» تے فِر اُنہاں حضرت یُوسف کی حبرُون نی وادی وِچوں پہیجیا، تے او سِکَم آئے۔

توریت شریف: پَیدایش 8:20

فِر حضرت نُوح رب واسطے اِک قربانی دیݨے آلی جغہ بݨائی، تے حلال جانوراں تے پرندیاں وِچوں کُج کُج کہنی کے رب اگے قربانی دیئی کے پُوری طرح ساڑی شوڑیا۔