توریت شریف: پَیدایش 13:16 - Mirpuri-Pahari Bible

¹⁶ میں تُہاڑیاں نسلاں کی مٹی نیاں ذریاں نی طرح بڑاساں. جِسرح کوئی مٹی نیاں زریاں کی نی گِݨی سکݨا، اِسے طرح تُساں نی نسلاں کی وی کوئی نی گِݨی سکݨ لغا!

توریت شریف: پَیدایش 13:16 ပူးပေါင်းရင်းမြစ်များ

توریت شریف: پَیدایش 15:5

فِر رب اِنہاں کی باہر کھڑی کے آخیا، ”تُوں اَسمان در تک! جے تاریاں کی گِݨی سکیں، تے گِݨ! اِتنی ہی تُہاڑی اُولاد ہوسی۔“

توریت شریف: پَیدایش 16:10

میں تُہاڑی اولاد اِتنی بدھاساں کہ کوئی اُنہاں کی گِݨی وی نی سکݨ لغا۔

توریت شریف: پَیدایش 17:16

تے میں اُس کی وی برکت دیساں، تے اُس کولوں تُہاڑا اِک پُتر ہوسی. میں سارہ کی اِتنی برکت دیساں کہ قوماں اُس نیاں نسلاں وِچوں ہوسݨ، تے قوماں نے بادشاہ اُس وِچوں جَمسَݨ.“

توریت شریف: پَیدایش 17:2

میں اپݨے تے تہاڑے درمیان عہد کرساں، تے تُہاڑی نسل بہُوں زیادہ بدھاساں.“

توریت شریف: پَیدایش 17:20

تے اسماعیل واسطے وی میں تُہاڑی دُعا سُݨی کِہندی. تک، میں اُس کی وی برکت دیساں. میں اُس کی پَھلݨ پھولݨ دیساں، تے اُس نی تعداد بہُوں ہی زیادہ بدھاساں. اِس کولوں بارہ شہزادے جَمسݨ، تے میں اُس کولوں اِک بڑی قوم وی بݨاساں۔

توریت شریف: پَیدایش 17:6

میں تُکی بہُوں زیادہ بدھاساں، تے میں تُہاڑے کولوں قوماں پیدا کرساں. تے تُہاڑی نسلاں وِچوں بادشاہ بݨسݨ۔

توریت شریف: پَیدایش 18:18

اُس کولوں یقیناً اِک بڑی تے طاقتور قوم پیدا ہوسی، تے دُنیا نیاں ساریاں قوماں اُنہاں نی وجہ نال برکت کِہنسݨ.

توریت شریف: پَیدایش 21:13

تے اُس لونڈی نے پُترے کولوں وی میں اِک قوم پیدا کرساں، کِیئانکہ او وی تُہاڑی نسل اے۔“

توریت شریف: پَیدایش 22:17

کہ میں تُکی بہُوں برکت دیساں. تُہاڑی نسل اِتنی بدہاساں جِتنے آسمانے پر تارے اݨ، تے جِتنی سمندر نے کنارے پر ریت اے۔ تے تُہاڑی اُولاد اپݨے دُشمݨاں پر فتح حاسل کرسی.

توریت شریف: پَیدایش 26:4

میں تُہاڑی اولاداں کی اِتنا بدھاساں جِس طرح آسمانے نے تارے اݨ، تے اے سارا مُلخ اُنہاں کی دیساں، تے دُنیا نیاں ساریاں قوماں تُہاڑی اولاداں نے وسیلے نال برکت کِہنسݨ.

توریت شریف: پَیدایش 28:14

تُہاڑی نسل زِیمی اپر مٹی نے ذریاں نی طرح ہوسی، تے تُوں مشرق، مغرب، شمال تے جنوب تک پھیلی جاسیں. دُنیا نے سارے قبیلے تُہاڑے تے تُہاڑی نسلاں نے ذریعے برکت کِہنسݨ۔

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 32:12

اے تُہاڑا ہی آخݨا اے کہ ’میں تہاڑے نال ضرور چنگیائی کرساں تے تُہاڑی نسلاں سمندر نی ریتو نی طرح بدھاساں جہڑیاں گِݨݨ ناں ہوسݨ‘.“

توریت شریف: پَیدایش 32:13

فِر حضرت یعقُوب اُس راتی اُتھے رہے، تے اُنہاں کول جو کُج وی سی اُس وِچوں اپݨے پہراؤ اِیسَو واسطے نذرانہ ازالے نی شکل وِچ کڈیا،

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 46:3

اللّٰہ تعالیٰ آخیا، «میں خُدا آں! تے میں تہاڑے پیؤ نا خُدا آں! مصر وِچ جاݨے تُوں ناں ڈر، کِیئانکہ میں اُتھے تہاڑے وِچوں اِک بڑی قوم پیدا کرساں۔