توریت شریف: پَیدایش 13:15 - Mirpuri-Pahari Bible

¹⁵ کِیئانکہ اے سارا مُلخ جیہڑا تُوں تکݨا ایں، میں تُکی تے تُہاڑیاں نسلاں کی ہمیشہ واسطے دیساں۔

توریت شریف: پَیدایش 13:15 ပူးပေါင်းရင်းမြစ်များ

توریت شریف: پَیدایش 12:7

اُس ویلے رب حضرت ابرام پر ظاہر ہویا تے آخیا، ”میں تُہاڑی نسلاں کی اے مُلخ دیساں.“ فِر حضرت ابرام اُتھے رب واسطے قربانی دیݨے آلی جغہ بݨائی شوڑی، جیہڑا اُنہاں اپر ظاہر ہویا سی۔

توریت شریف: پَیدایش 13:17

ہُݨ ای اِس مُلخے نی لمائی چوڑائی وِچ سیر کر، کِیئانکہ میں تُکی اے سارا دیساں۔“

توریت شریف: پَیدایش 15:18

اُس دیہاڑے رب حضرت ابرام نال عہد کِیتا کہ میں تُہاڑی نسلاں کی اے ساری زِیمی دیساں، جیہڑی مصر نے دریا نِیل توں کِہنی کے بڑے دریا یعنی دریائے فرات تک ہوسی،

توریت شریف: پَیدایش 15:7

فِر رب اُنہاں کی آخیا، ”میں رب آں، جس تُکی کَلدانی قوم نے شہر اُر وچوں کڈی کے آندا، تانکہ میں تُکی اے مُلک وراثت وِچ دیاں۔“

توریت شریف: پَیدایش 18:18

اُس کولوں یقیناً اِک بڑی تے طاقتور قوم پیدا ہوسی، تے دُنیا نیاں ساریاں قوماں اُنہاں نی وجہ نال برکت کِہنسݨ.

توریت شریف: پَیدایش 24:7

رب جیہڑا آسماناں نا مالک اے، اپݨا فرِشتہ تُہاڑے اگے بیچھسی. اِس واسطے تُوں مہاڑے پُترے واسطے اُنہاں وِچوں زناݨی چُننے وِچ ضرور کامیاب ہوسیں، کِیئانکہ رب ہی مِکی مہاڑے پیؤ نے کہروں تے مہاڑے مُلکے وِچوں اِتھے کِہنی آیا، تے اُس قسم کھائی کے مہاڑے نال وعِدہ کیتا کہ ”میں اے کَنعان نامی مُلخ تُہاڑی اولاد کی دیساں“.

توریت شریف: پَیدایش 28:13

رب اُنہاں پوہڑیاں نے اُپر کھلتا وا سی، تے اُس آخیا، ”میں رب آں، تہاڑے پیؤ اِبراہِیم نا تے اسحاق نا خُدا. تے میں اے زِیمی جس پر تُوں لما پیا ویں، تُکی تے تُہاڑی نَسلاں کی دیساں.

توریت شریف: پَیدایش 28:14

تُہاڑی نسل زِیمی اپر مٹی نے ذریاں نی طرح ہوسی، تے تُوں مشرق، مغرب، شمال تے جنوب تک پھیلی جاسیں. دُنیا نے سارے قبیلے تُہاڑے تے تُہاڑی نسلاں نے ذریعے برکت کِہنسݨ۔

توریت شریف: پَیدایش 28:4

او تُکی تے تُہاڑی نسلاں کی اے ساری زِیمی ملکیت وِچ دے، جِتھے تُوں پردیسی نی حیثیت نال رہݨا ایں. اے زمین او ہی اے جیہڑی اللّٰہ تعالیٰ حضرت اِبراہِیم کی برکت دیئی کے دِتی سی.“

توریت شریف: پَیدایش 35:12

اے مُلخ جیہڑا میں اِبراہِیم تے اسحاق کی دِتا، اے تُکی وی دیساں تے تہاڑے تُوں بعد نیاں نسلاں کی وی دیساں۔“

توریت شریف: پَیدایش 48:4

آخیا کہ ”میں تُکی پھلݨ پھُلݨ دیساں تے تُہاڑی تعداد بدھاساں۔ میں تہاڑے وِچوں بہُوں قبِیلے پیدا کرساں، تے تہاڑے پِچھے تُہاڑی نسلاں کی اے زِیمی ہمیشہ واسطے ملکیَت وِچ دیساں۔“

توریت شریف: پَیدایش 50:24

فِر اِک دیہاڑے حضرت یُوسف اپݨے پہرواں کی آخیا، «میں مرنے آلا آں! اللّٰہ تعالیٰ یعقیناً تُساں نی مدد کرسی، تے تُساں کی اِس مُلخے وِچوں اُس مُلخے وِچ پُہنچاسی، جس نے دیݨے نی خُدا پیؤ یعقُوب ، دادے اسحاق، تے پڑدادے ابراہیم نال قسم کھادی سی۔»