توریت شریف: پَیدایش 13:12 - Mirpuri-Pahari Bible

¹² حضرت ابرام کَنعان نے مُلخے وِچ ہی رہݨے رہے، تے حضرت لُوط اُس وادی نے شہراں وِچ بسی گئے، تے اپݨا تمبو سدُوم شہر نے نیڑے لائی شوڑیا۔

توریت شریف: پَیدایش 13:12 ပူးပေါင်းရင်းမြစ်များ

توریت شریف: پَیدایش 13:11

اِس واسطے حضرت لُوط اُردن نی ساری وادی اپݨے واسطے پسند کری کِہندی، تے مشرق نے پاسے ٹُری پئے. اِسرح حضرت ابرام تے حضرت لوط اِک دوئے کولوں الگ ہوئی گئے۔

توریت شریف: پَیدایش 14:12

حضرت ابرام نے پَہتریئے حضرت لُوط وی سدُوم وِچ رہننے سݨ، تے او اُنہاں کی تے اُنہاں نے مال کی وی کِہنی گئے۔

توریت شریف: پَیدایش 14:2

اِنہاں چاراں بادشاہواں سدُوم نے بادشاہ بِرع، عُمُورہ نے بادشاہ بِرشع، ادمے نے بادشاہ سِنی اب، ضبوئِیم نے بادشاہ شِمؔیبر، تے بالع یعنیٰ ضُغر نے بادشاہ نال جنگ کیتی۔

توریت شریف: پَیدایش 19:1

فِر او دو فرشتے نماشاں ویلے شہر سدُوم وِچ آئی گئے، تے حضرت لُوطؑ شہر نے دروازے پر بیٹھے وے سݨ. اُنہاں کی تکی کے ہی او اُنہاں نے سلام واسطے اُٹھے، تے چُکی گئے.

توریت شریف: پَیدایش 19:24

فِر رب آسمانے پروں شہر سدُوم تے شہر عُمورہ پر گندھک تے اگ برسائی!

توریت شریف: پَیدایش 19:25

اِسرح رب اُس پُورے میدانے کی اُس نے شہراں، بندیاں تے بُوٹیاں سمید تباہ کری شوڑیا.

توریت شریف: پَیدایش 19:29

اِس طرح جِس ویلے رب علاقے نیاں شہراں کی تباہ کری شوڑیا، تے اُس حضرت اِبراہِیم کی یاد کِیتا، تے اُس شہرے کی جتھے حضرت لُوط رہݨے سݨ تباہ کرنے ویلے اُنہاں کی تباہی تُوں بچایا۔