توریت شریف: پَیدایش 13:10 - Mirpuri-Pahari Bible

¹⁰ فِر حضرت لُوط آسے پاسے تکیا، تے اُنہاں نی نظر وادی اُردن پر ٹھہری. اے ساری وادی شہر ضُغر تک سرسبز سی، تے جنّت عدن یا مُلخ مِصر نی طرح لغݨی سی. ( اے رب نے سدُوم شہر تے عُمُورہ شہر نی تباہی کرنے توں پہلوں نی گل اے.)

توریت شریف: پَیدایش 13:10 ပူးပေါင်းရင်းမြစ်များ

توریت شریف: پَیدایش 11:27

اے تارح نا شجرہ نسب اَے. تارح نے پُتر حضرت ابرام، نحُور تے خاران جمے. تے جناب حاران نے پتر حضرت لوط جمے۔

توریت شریف: پَیدایش 13:11

اِس واسطے حضرت لُوط اُردن نی ساری وادی اپݨے واسطے پسند کری کِہندی، تے مشرق نے پاسے ٹُری پئے. اِسرح حضرت ابرام تے حضرت لوط اِک دوئے کولوں الگ ہوئی گئے۔

توریت شریف: پَیدایش 13:9

الگ ہوئی جاݨے آں. اے سارا مُلخ تہاڑے سامݨے نی؟ جے توں اِک پاسے جاسیں، تے میں دوئے پاسے جاساں۔“

توریت شریف: پَیدایش 14:2

اِنہاں چاراں بادشاہواں سدُوم نے بادشاہ بِرع، عُمُورہ نے بادشاہ بِرشع، ادمے نے بادشاہ سِنی اب، ضبوئِیم نے بادشاہ شِمؔیبر، تے بالع یعنیٰ ضُغر نے بادشاہ نال جنگ کیتی۔

توریت شریف: پَیدایش 14:8

اُس ویلے سدُوم، عُمُورہ، اَدمہ، ضبوئِیم تے بالع یعنی ضُغر نے بادشاہ نکلے، تے اُنہاں وی سِدِیم نی وادی وِچ جمع ہوئی کے لڑائی واسطے صفاں بدیاں.

توریت شریف: پَیدایش 3:6

جِسلے زناݨی تَکیا کہ اُس درختے نا پھل خُوشگوار لغݨا، تے کھاݨے واسطے چنگا اے، نالے اُس کی عقلمند بݨائی سکݨا، اُس کُج پھل لائی کے کھائی شوڑیا۔ فِر اُس کُج پھل اپݨے جَݨے کی دِتا جیہڑا اُس نے نال سی، تَے اُس وی کھائی شوڑیا۔

توریت شریف: پَیدایش 47:6

تے مصر نا مُلخ تہاڑے اگے اَے، اِس واسطے اِتھے نے چنگے توں چنگے علاقے وِچ اپݨے پیؤ تے پہراواں کی بَسائی شوڑ، مطلب جوشن نے علاقے وِچ اُنہاں کی رہݨ دے۔ جے تہاڑے خیالے وِچ اُنہاں وِچ کوئی سیاݨے بندے اݨ، تے اُنہاں کی مہاڑے ڈنگراں نی دیخ بھال واسطے رخی شوڑ۔»

توریت شریف: پَیدایش 6:2

اللّٰہ تعالیٰ نے نیک بندیاں اُنہاں کُڑیاں کی تکیا جیہڑیاں بہُوں سوہݨیاں سݨ۔ تاں اُنہاں اِنہاں کڑیاں وِچوں چُݨی کے بیاہ کیتا۔