توریت شریف: پَیدایش 12:8 - Mirpuri-Pahari Bible

⁸ اُتھوں نکلی کے او اُس پہاڑی علاقے در گئے جیہڑا بیت اَیل شہر نے مشرق وِچ سی، تے اُتھے اپݨے تمبو لائے. بیت ایل مغرب وِچ تے عئی شہر مشرق وِچ سی. فِر اُتھے انہاں رب واسطے اِک قربانی دیݨے آلی جغہ بݨائی، تے رب نی عِبادت کیتی۔

توریت شریف: پَیدایش 12:8 ပူးပေါင်းရင်းမြစ်များ

توریت شریف: پَیدایش 13:18

فِر حضرت ابرام اپݨا ڈیرا پَٹیا، تے حبرون وِچ جائی کے ممرے نے بڑے درختاں کول رہݨ لغے، تے فِر اُتھے رب واسطے اِک قربانی دیݨے آلی جغہ بݨائی۔

توریت شریف: پَیدایش 13:3

فِر نجب نے علاقے دروں سفر کرنیاں کرنیاں او بیت ایَل وِچ اُس جغہ پُہچے جتھے پہلے وی بیت ایَل تے عئی نے بشکار انہاں نے تمبو سݨ۔

توریت شریف: پَیدایش 13:4

اے او ہی جغہ سی جتھے شروع وِچ اُنہاں قربانی دیݨے آلی جغہ بݨائی سی. فِر اُتھے حضرت ابرام رب نی عبادت کِیتی۔

توریت شریف: پَیدایش 21:33

حضرت اِبراہِیم بیر سبع وِچ اِک درخت لایا، تے اُس جغہ اپر اُنہاں رب اگے دُعا کیتی، جیہڑا ابدی خُدا اے۔

توریت شریف: پَیدایش 22:9

ٹُرنے ٹُرنے او اُس جغہ پر پُہنچے جیہڑی اللّٰہ تعالیٰ حضرت اِبراہِیم پر دسّی سی. اُنہاں اُتھے قربانی دیݨے آلی اِک جغہ بݨائی، تے لکڑیاں ترتِیب نال رخیاں. فِر اُنہاں اِسحاق کی بنی کے قربانی دیݨے آلی جغہ پر رخی شوڑیا،

توریت شریف: پَیدایش 26:25

فِر حضرت اسحاق اُتھے اِک قربانی دیݨے آلی جغہ بݨائی تے رب نی عِبادت کیتی. تے اتھے اپݨا ڈیرہ لایا، تے اُنہاں نیاں نوکراں اِک کھُوہ وی کھُݨیا۔

توریت شریف: پَیدایش 28:19

اُنہاں اِس جغہ نا ناں بیت ایل یعنی اللّٰہ تعالیٰ نا کہار رخیا، پر پہلے اُس جغہ نا ناں لُوز سی۔

توریت شریف: پَیدایش 31:25

جدوں لابن اُنہاں کول پُہنچیا سی، تے حضرت یعقُوب جِلعاد نے پہاڑی علاقے وِچ اپݨے تمبُو لائے وے سݨ. لابن وی اپݨے رِشتہ داراں سمیت اُتھے ہی تمبُو لائے.

توریت شریف: پَیدایش 33:20

اُنہاں اُتھے قربانی دیݨے آلی اِک جغہ بݨائی، تے اُس جغہ نا ناں ”ایل اِلہ اسرائیل“ رخیا، یعنیٰ ”خُدا اسرائیل نا خُدا“۔

توریت شریف: پَیدایش 35:3

اچھو، فِر اَساں بیت ایل در جاں. میں اُتھے اللّٰہ تعالیٰ واسطے قربانی دیݨے آلی اِک جغہ بݨاں، جس مہاڑی تنگی نے دیہاڑیاں وِچ مہاڑی دُعا قبول کیتی سی، تے جِدھر وی میں گیا آں، او مہاڑے نال ہی رہیا.“

توریت شریف: پَیدایش 35:7

اُنہاں اُتھے قربانی دیݨے آلی اِک جغہ بݨائی، تے اُس جغہ نا ناں ”ایل بیت ایل“ مطلب ”بیت ایل نا خُدا“ رخیا، کِیئانکہ جس ویلے او اپݨے پہراؤ کولوں نسݨے پئے سݨ تے اللّٰہ تعالیٰ اُتھے ہی اُنہاں پر ظاہر ہویا سی۔

توریت شریف: پَیدایش 4:26

بعد وِچ شِیث نا وی اِک پتر جمیا، جس نا ناں اُس اَنوش رخیا۔ اُنہاں دیہاڑیاں وِچ لوکاں رب نی عبادت کرنی شروع کیتی۔

توریت شریف: پَیدایش 8:20

فِر حضرت نُوح رب واسطے اِک قربانی دیݨے آلی جغہ بݨائی، تے حلال جانوراں تے پرندیاں وِچوں کُج کُج کہنی کے رب اگے قربانی دیئی کے پُوری طرح ساڑی شوڑیا۔