توریت شریف: پَیدایش 12:5 - Mirpuri-Pahari Bible

⁵ حضرت ابرام اپݨی زناݨی ساری کی، اپݨے پتریئے حضرت لوط کی، تے سارا مال جیہڑا اُنہاں جمع کِیتا سی تے اُنہاں نوکراں سمیت جیہڑے ہاران شہر وِچ ملی گئے سݨ، اِنہاں نال کِہندا تے کَنعان مُلخ در روانہ ہوئے، تے اُتھے پہنچی گئے۔

توریت شریف: پَیدایش 12:5 ပူးပေါင်းရင်းမြစ်များ

توریت شریف: پَیدایش 10:19

کہ اُنہاں نیاں حداں شمال وِچ صَیدُون شہر تُوں جنوب آلے پاسے جرار شہر آلی طرفوں غزّہ شہر تک، تے اُتھوں مشرق نے پاسے سدُوم، عمُورہ، ادمہ تے ضِبُوئِیم شہراں آلی طرفوں لَسَع شہر تک سݨ۔

توریت شریف: پَیدایش 11:27

اے تارح نا شجرہ نسب اَے. تارح نے پُتر حضرت ابرام، نحُور تے خاران جمے. تے جناب حاران نے پتر حضرت لوط جمے۔

توریت شریف: پَیدایش 11:31

تارح اپݨے پُترے حضرت ابرام کی، تے اپݨے پوترے حضرت لُوط کی جیہڑے جناب ہاران نے پُتر سݨ، تے اپݨی نُوں بی بی ساری کی جیہڑی اُنہاں نے پُترے حضرت ابرام نی کہرے آلی سی، نال کِہندا، تے اے سارے کلدانیاں نے شہر اُر وِچوں نکلی کے مُلخ کَنعان در ٹُری گئے. جِسلے او شہر ہاران تک پُہچے، تے اُتھے رہݨ لغی پئے۔

توریت شریف: پَیدایش 13:5

حضرت لُوط کول، جیہڑے حضرت ابرام نال سفر کرنے سݨ، پیہڈاں، بکریاں، گانئیاں، داند، تمبو تے اُنہاں نا خاندان وی سی۔

توریت شریف: پَیدایش 13:6

پر اُس زِیمی اپر اِتنی جغہ نی سی کہ او دوئے نال کہٹھے رِہی سکݨ، کِیئانکہ اُنہاں کول مال مویشی بہُوں سی. تاں او اِک جغہ گُزارہ نی کری سکݨے سݨ۔

توریت شریف: پَیدایش 14:14

جدُوں حضرت ابرام کی پتہ لغا کہ اُنہاں نے پہتریئے حضرت لُوط قیدی ہوئی گئے اݨ، تے اِنہاں اپݨے کہرے نے ترَے سو اٹھاراں کُلݨے آلے بندے کہنی کے دان شہر تک دُشمݨاں نا پِچھا کِیتا۔

توریت شریف: پَیدایش 14:21

فِر سدُوم نے بادشاہ حضرت ابرام کی آخیا، ”مہاڑے بندے مِکی چائی دِیو، تے مال آپ رخی کہنو.“

توریت شریف: پَیدایش 28:10

حضرت یعقُوب بیر سبع تُوں نکلی کے حاران آلے پاسے ٹُری گئے،

توریت شریف: پَیدایش 36:6

حضرت اِیسَو اپݨیاں زناݨیاں، تیہاں، پُتراں تے اپݨے کہرے نیاں ساریاں نوکراں چاکراں سمیت اپݨے ڈنگراں، سارے مالے تے اپݨیاں ساریاں چیزاں جہڑیاں اُس مُلخے کَنعان وِچوں جمع کیتیاں سݨ کِہندیاں، تے اپݨے پہراؤ حضرت یعقُوب کولوں اِک دوئے مُلخے در ٹُری گئے۔