توریت شریف: پَیدایش 12:4 - Mirpuri-Pahari Bible

⁴ فِر حضرت ابرام رب نے آخݨے اپر ہاران شہر تُوں نکلی کے ٹُری گئے، تے حضرت لوط وی انہاں نال گئے. اُس ویلے حضرت ابرام پچہتر سال نے سݨ۔

توریت شریف: پَیدایش 12:4 ပူးပေါင်းရင်းမြစ်များ

توریت شریف: پَیدایش 11:27

اے تارح نا شجرہ نسب اَے. تارح نے پُتر حضرت ابرام، نحُور تے خاران جمے. تے جناب حاران نے پتر حضرت لوط جمے۔

توریت شریف: پَیدایش 11:31

تارح اپݨے پُترے حضرت ابرام کی، تے اپݨے پوترے حضرت لُوط کی جیہڑے جناب ہاران نے پُتر سݨ، تے اپݨی نُوں بی بی ساری کی جیہڑی اُنہاں نے پُترے حضرت ابرام نی کہرے آلی سی، نال کِہندا، تے اے سارے کلدانیاں نے شہر اُر وِچوں نکلی کے مُلخ کَنعان در ٹُری گئے. جِسلے او شہر ہاران تک پُہچے، تے اُتھے رہݨ لغی پئے۔

توریت شریف: پَیدایش 13:5

حضرت لُوط کول، جیہڑے حضرت ابرام نال سفر کرنے سݨ، پیہڈاں، بکریاں، گانئیاں، داند، تمبو تے اُنہاں نا خاندان وی سی۔

توریت شریف: پَیدایش 16:16

جدوں بی بی ہاجرہ نا پُتر جمیا سی حضرت ابرام چھیاسیاں سالاں نے سݨ۔

توریت شریف: پَیدایش 16:3

حضرت ابرام کی مُلخ کَنعان وِچ رہݨیاں دس سال ہوئی گئے سݨ، تے اُنہاں نی کہرے آلی ساری اپݨی مصری لُونڈی اُنہاں کی دِتی، تانکہ او وی اُنہاں نی کہرے آلی بݨے۔

توریت شریف: پَیدایش 25:7

حضرت اِبراہِیم کُل اِک سو پچہتر سال تک جِیݨے رہے۔

توریت شریف: پَیدایش 28:10

حضرت یعقُوب بیر سبع تُوں نکلی کے حاران آلے پاسے ٹُری گئے،