توریت شریف: پَیدایش 12:3 - Mirpuri-Pahari Bible

³ جیہڑے تُکی مبارک دیسݨ، اُنہاں کی میں برکت دیساں. تے جیہڑا تُہاڑے پر لعنت پہیجسی، اُس اپر میں لعنت پہیجساں. تے دُنیا اپر ساریاں قوماں تہاڑے وسیلے نال برکت کِہنسݨ۔“

توریت شریف: پَیدایش 12:3 ပူးပေါင်းရင်းမြစ်များ

توریت شریف: پَیدایش 18:18

اُس کولوں یقیناً اِک بڑی تے طاقتور قوم پیدا ہوسی، تے دُنیا نیاں ساریاں قوماں اُنہاں نی وجہ نال برکت کِہنسݨ.

توریت شریف: پَیدایش 18:19

اُسے کی میں چُݨی کِہندا تانکہ او اپݨی اولاد تے اپݨے بعد نیاں نسلاں کی خُکم دے، کہ او رب نی رہ پر چلی کے سِدھے تے منصفانہ کم کرݨ. اگر او اِسرح کرسݨ، تے رب اِبراہیم نال اپݨا وعدہ پُورا کرسی.“

توریت شریف: پَیدایش 22:18

تے تُہاڑیاں نسلاں نے وسیلے نال دُنیا نیاں ساریاں قوماں برکت کِہنسݨ، کِیئانکہ تُوں مہاڑی گل مَنی اے۔“

توریت شریف: پَیدایش 24:35

تے رب مہاڑے مالک کی بہُوں برکت دِتی اے، تے او بہُوں بڑا بندہ ہوئی گیا اے. رب اُنہاں کی نوکر، سونے چاندی، پہڈاں بکریاں، گاںئیاں، دانداں، اُونٹھاں تے کھوتیاں نال نوازیا اے۔

توریت شریف: پَیدایش 25:11

حضرت اِبراہِیم نے فوت ہوݨے توں بعد اللّٰہ تعالیٰ اِنہاں نے پُترے حضرت اسحاق کی برکت دِتی. تے او بیر لحی روئی نے نیڑے رہݨ لغی پئے۔

توریت شریف: پَیدایش 26:29

کہ تُساں اساں کی نُقصان نہ پہُنچاݨ لغے، کِیئانکہ اساں وی تُساں کی نی چھیڑیا، بلکہ تُساں نال چنگا سلوک کیتا تے تُساں کی سلامتی نال رُخصت کیتا. تے ہُݨ ظاہر اے کہ رب تُساں کی برکت دِتی اے۔“

توریت شریف: پَیدایش 26:4

میں تُہاڑی اولاداں کی اِتنا بدھاساں جِس طرح آسمانے نے تارے اݨ، تے اے سارا مُلخ اُنہاں کی دیساں، تے دُنیا نیاں ساریاں قوماں تُہاڑی اولاداں نے وسیلے نال برکت کِہنسݨ.

توریت شریف: پَیدایش 27:29

قوماں تُہاڑی خدمت کرݨ، قبیلے تہاڑے سامݨے چُہکݨ، توں اپݨے پہراواں نا سردار ہوویں، تُہاڑی ماؤ نے پُتر تہاڑے اگے چُہکݨ، جیہڑا تہاڑے تے لعنت پہیجے آپوں لعنتی ہووے، جہیڑا تُکی برکت دَے او برکت کِہݨے۔“

توریت شریف: پَیدایش 28:14

تُہاڑی نسل زِیمی اپر مٹی نے ذریاں نی طرح ہوسی، تے تُوں مشرق، مغرب، شمال تے جنوب تک پھیلی جاسیں. دُنیا نے سارے قبیلے تُہاڑے تے تُہاڑی نسلاں نے ذریعے برکت کِہنسݨ۔

توریت شریف: پَیدایش 30:27

تاں لابن آخیا، ”جے مہاڑے پر رحم کریں، تے اِتھَے ہی رو، کِیئانکہ مِکی فال نے ذریعے پتہ لغی گیا اے کہ اللّٰہ تعالیٰ تُہاڑی وجہ نال مِکی برکت دِتی اے۔“

توریت شریف: پَیدایش 30:30

مہاڑے اچھݨے تُوں پہلے اے ڈنگر کہٹ سݨ، تے ہُݨ بَدی کے اے زیادہ ہوئی گئے اݨ. رب جتھے جتھے مہاڑے قدم رکھائے، اُتھے ہی تُساں کی برکت دِتی۔ ہُݨ او وقت آئی گیا اے کہ میں اپݨے کہرے واسطے کُج کراں.“

توریت شریف: پَیدایش 39:5

اُس ویلے تُوں لائی، رب حضرت یُوسف نی خاطر اُس مصری نے کہار برکت باݨ لغی پیا۔ اے برکت اُس نیاں ساریاں چیزاں پر سی جیہڑیاں کہرے وِچ تے زمین وِچ سݨ۔

اِنجِیل شریف (لُوقا) 24:27

فِر حضرت عِیسیٰ اُنہاں کی اپݨے متعلق او ساریاں گلاں سمجھایاں جیہڑیاں توراة شرِیف وِچ تے صحائفُ الانبیاء وِچ لِخیاں گئیاں سݨ۔