توریت شریف: پَیدایش 12:2 - Mirpuri-Pahari Bible

² میں تہاڑے وِچوں بڑی قوم بݨاساں، تُکی برکت دیساں، تے تُہاڑا ناں بڑا کرساں، تانکہ توں برکت نا ذریعہ بݨیں۔

توریت شریف: پَیدایش 12:2 ပူးပေါင်းရင်းမြစ်များ

توریت شریف: پَیدایش 13:16

میں تُہاڑیاں نسلاں کی مٹی نیاں ذریاں نی طرح بڑاساں. جِسرح کوئی مٹی نیاں زریاں کی نی گِݨی سکݨا، اِسے طرح تُساں نی نسلاں کی وی کوئی نی گِݨی سکݨ لغا!

توریت شریف: پَیدایش 15:5

فِر رب اِنہاں کی باہر کھڑی کے آخیا، ”تُوں اَسمان در تک! جے تاریاں کی گِݨی سکیں، تے گِݨ! اِتنی ہی تُہاڑی اُولاد ہوسی۔“

توریت شریف: پَیدایش 17:20

تے اسماعیل واسطے وی میں تُہاڑی دُعا سُݨی کِہندی. تک، میں اُس کی وی برکت دیساں. میں اُس کی پَھلݨ پھولݨ دیساں، تے اُس نی تعداد بہُوں ہی زیادہ بدھاساں. اِس کولوں بارہ شہزادے جَمسݨ، تے میں اُس کولوں اِک بڑی قوم وی بݨاساں۔

توریت شریف: پَیدایش 18:18

اُس کولوں یقیناً اِک بڑی تے طاقتور قوم پیدا ہوسی، تے دُنیا نیاں ساریاں قوماں اُنہاں نی وجہ نال برکت کِہنسݨ.

توریت شریف: پَیدایش 18:19

اُسے کی میں چُݨی کِہندا تانکہ او اپݨی اولاد تے اپݨے بعد نیاں نسلاں کی خُکم دے، کہ او رب نی رہ پر چلی کے سِدھے تے منصفانہ کم کرݨ. اگر او اِسرح کرسݨ، تے رب اِبراہیم نال اپݨا وعدہ پُورا کرسی.“

توریت شریف: پَیدایش 19:29

اِس طرح جِس ویلے رب علاقے نیاں شہراں کی تباہ کری شوڑیا، تے اُس حضرت اِبراہِیم کی یاد کِیتا، تے اُس شہرے کی جتھے حضرت لُوط رہݨے سݨ تباہ کرنے ویلے اُنہاں کی تباہی تُوں بچایا۔

توریت شریف: پَیدایش 24:1

حضرت اِبراہِیم بُڈھے ہوئی گئے سݨ، تے رب اُنہاں نی ہر گل وِچ برکت دِتی سی۔

توریت شریف: پَیدایش 24:35

تے رب مہاڑے مالک کی بہُوں برکت دِتی اے، تے او بہُوں بڑا بندہ ہوئی گیا اے. رب اُنہاں کی نوکر، سونے چاندی، پہڈاں بکریاں، گاںئیاں، دانداں، اُونٹھاں تے کھوتیاں نال نوازیا اے۔

توریت شریف: پَیدایش 25:11

حضرت اِبراہِیم نے فوت ہوݨے توں بعد اللّٰہ تعالیٰ اِنہاں نے پُترے حضرت اسحاق کی برکت دِتی. تے او بیر لحی روئی نے نیڑے رہݨ لغی پئے۔

توریت شریف: پَیدایش 26:3

اِسے مُلخے وِچ مقیم ہوئی جا، تے میں تُہاڑے نال ہوساں تے تُکی برکت دیساں. میں تُکی تے تُہاڑی نسلاں کی اے سارا مُلخ دیساں، تے میں اُس قسم کی پورا کرساں جیہڑی میں تُہاڑے پیو اِبراہِیم نال کیتی سی۔

توریت شریف: پَیدایش 26:4

میں تُہاڑی اولاداں کی اِتنا بدھاساں جِس طرح آسمانے نے تارے اݨ، تے اے سارا مُلخ اُنہاں کی دیساں، تے دُنیا نیاں ساریاں قوماں تُہاڑی اولاداں نے وسیلے نال برکت کِہنسݨ.

توریت شریف: پَیدایش 27:29

قوماں تُہاڑی خدمت کرݨ، قبیلے تہاڑے سامݨے چُہکݨ، توں اپݨے پہراواں نا سردار ہوویں، تُہاڑی ماؤ نے پُتر تہاڑے اگے چُہکݨ، جیہڑا تہاڑے تے لعنت پہیجے آپوں لعنتی ہووے، جہیڑا تُکی برکت دَے او برکت کِہݨے۔“

توریت شریف: پَیدایش 28:14

تُہاڑی نسل زِیمی اپر مٹی نے ذریاں نی طرح ہوسی، تے تُوں مشرق، مغرب، شمال تے جنوب تک پھیلی جاسیں. دُنیا نے سارے قبیلے تُہاڑے تے تُہاڑی نسلاں نے ذریعے برکت کِہنسݨ۔

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 46:3

اللّٰہ تعالیٰ آخیا، «میں خُدا آں! تے میں تہاڑے پیؤ نا خُدا آں! مصر وِچ جاݨے تُوں ناں ڈر، کِیئانکہ میں اُتھے تہاڑے وِچوں اِک بڑی قوم پیدا کرساں۔