توریت شریف: پَیدایش 12:18 - Mirpuri-Pahari Bible

¹⁸ فِر بادشاہ حضرت ابرام کی بُلایا تے آخیا، ”اے مہاڑے نال تُوں کَے کیتا؟ تُوں مِکی کِیئاں نی دسیا کہ اے تُہاڑی کہرے آلی اے؟

توریت شریف: پَیدایش 12:18 ပူးပေါင်းရင်းမြစ်များ

توریت شریف: پَیدایش 12:19

تُوں کیئاں آخیا کہ او تُہاڑی پہیݨ اے؟ اِس وجہ تُوں میں اُسی کہار رخیا کہ میں اُس نال بیاہ کری کِہناں. اے تُہاڑی بیوی اَے. اِس کی کِہن، تے اِتھوں جا!“

توریت شریف: پَیدایش 20:3

پر اِک رات اللّٰہ تعالیٰ خواب وِچ بادشاہ پر ظاہر ہویا، تے آخیا، ”موت تُہاڑے سِرے پر اے، کِیئانکہ جیہڑی زناݨی تُوں کہار آندی اے، او شادی شُدہ اے۔“

توریت شریف: پَیدایش 29:25

پر جس ویلے سویر ہوئی، تے پتہ لغا کہ اے لیاہ اے! تے حضرت یعقُوب لابن کی آخیا، ”توں مہاڑے نال اے کَے کیتا؟ جیہڑی میں تُہاڑی خدمت کیتی کَے او راخِل واسطے نی سی؟ فِر تُوں مِکی تہوکھہ کِیئاں دِتا؟“

توریت شریف: پَیدایش 3:13

رب تعالیٰ زناݨی کی آخیا، "تُوں کَے کری شوڑیا؟" اُس جَواب دِتا، "سَپے مِکی توکھا دِتا سی، تَے میں او پھل کھائی شوڑیا سی۔"

توریت شریف: پَیدایش 31:26

اُس حضرت یعقُوب کی آخیا، ”اے تُوں کَے کِیتا؟ تُوں مِکی دھوکہ دیئی کے مہاڑیاں تِیہاں کی کِیئاں جنگی قیدیاں نی طرح نسائی کِہنی آیا ایں؟

توریت شریف: پَیدایش 4:10

رب آخیا، ”تُوں کَے کِیتا؟ مِکی اِس طرح لغݨا کہ تہاڑے پہراؤ نا خون مِکی زِیمی وِچوں واز دیݨا۔

توریت شریف: پَیدایش 44:15

حضرت یُوسف اُنہاں کی آخیا، ”تُساں اے کَے کیتا؟ تُساں کی پتہ نی سی کہ مہاڑے جیا بندہ فال کڈی سکݨا؟»