توریت شریف: پَیدایش 12:11 - Mirpuri-Pahari Bible

¹¹ جس ویلے او مصر وِچ داخل ہوݨے آلے سݨ، تے اُنہاں اپݨی زناݨی ساری کی آخیا، ”مِکی پَتہ اے کہ توں سوہنی زناݨی ایں۔

توریت شریف: پَیدایش 12:11 ပူးပေါင်းရင်းမြစ်များ

توریت شریف: پَیدایش 12:14

فِر اِس طرح ہویا کہ جدُوں حضرت ابرام مصر وِچ پُہچے، تے مصریاں اُنہاں نی زناݨی کی تکیا کہ او بہُوں سوہنی اے۔

توریت شریف: پَیدایش 20:13

جس ویلے رب مِکی مہاڑے پیو نے کہروں کڈیا سی، اُس ویلے میں اپݨے کہرے آلی کی آخیا سی ”تُہاڑی مہربانی ہوسی کہ جتھے وی جاں، تُوں مہاڑے حقے وِچ اے آخیاں کہ ”اے مہاڑا پہرآ اے“۔“ “

توریت شریف: پَیدایش 20:2

تے اُتھے اُنہاں اپݨی زناݨی بی بی سارہ نے بارے وِچ لوکاں کی دسیا کہ ”اے مہاڑی پہیݨ اے“. اِس واسطے جرار نے بادشاہ ابی مَلک بی بی سارہ کی بُلائی کِہندا۔

توریت شریف: پَیدایش 24:16

او کُڑی بہُوں ہی سُہݨی کنواری سی، تے بالکل پاک صاف سی۔ او تھَلے کھوئے کول گئی، تے فِر اپݨا کہڑا پَہری کے اُتھوں مُڑی۔

توریت شریف: پَیدایش 26:7

اُتھَے نے رہݨ آلیاں لوکاں اُنہاں نی کہرے آلی نے بارے وِچ پُچھیا، تے حضرت اسحاق آخیا، ”او مہاڑی پہیݨ اے“، کِیئانکہ او اپݨی زناݨی دسݨیاں ڈرنے سݨ. اُنہاں اے سوچیا کہ ”اِتھَے نے لوک رِبقہ کی حاصِل کرنے واسطے مِکی ماری نہ شوڑݨ“، کِیئانکہ او بہُوں سُہݨی سی۔

توریت شریف: پَیدایش 29:17

لیاہ نیاں اکھیاں سوہݨیاں سݨ، پر راخِل ہر طرح نال سوہݨی سی۔

توریت شریف: پَیدایش 6:2

اللّٰہ تعالیٰ نے نیک بندیاں اُنہاں کُڑیاں کی تکیا جیہڑیاں بہُوں سوہݨیاں سݨ۔ تاں اُنہاں اِنہاں کڑیاں وِچوں چُݨی کے بیاہ کیتا۔