توریت شریف: پَیدایش 12:1 - Mirpuri-Pahari Bible

¹ رب حضرت ابرام کی آخیا سا، ”اپݨا ملخ، اپݨے رشتہ دار تے اپݨے پیؤ نے کہرے کی چھوڑی کے اُس مُلخے در جا جیہڑا میں تُکی دسساں۔

توریت شریف: پَیدایش 12:1 ပူးပေါင်းရင်းမြစ်များ

توریت شریف: پَیدایش 15:7

فِر رب اُنہاں کی آخیا، ”میں رب آں، جس تُکی کَلدانی قوم نے شہر اُر وچوں کڈی کے آندا، تانکہ میں تُکی اے مُلک وراثت وِچ دیاں۔“

توریت شریف: پَیدایش 20:13

جس ویلے رب مِکی مہاڑے پیو نے کہروں کڈیا سی، اُس ویلے میں اپݨے کہرے آلی کی آخیا سی ”تُہاڑی مہربانی ہوسی کہ جتھے وی جاں، تُوں مہاڑے حقے وِچ اے آخیاں کہ ”اے مہاڑا پہرآ اے“۔“ “

توریت شریف: پَیدایش 24:38

بلکہ توں مہاڑے مُلخے وِچ جائی کے مہاڑے پیؤ نے کہار تے مہاڑے رشتہ داراں وِچوں مہاڑے پُترے واسطے کُڑی بیاہی کے آݨسیں‘۔

توریت شریف: پَیدایش 24:4

بلکہ توں مہاڑے مُلخے وِچ جائی کے مہاڑے رشتہ داراں وِچوں مہاڑے پُترے واسطے کُڑی کِہنی آݨسیں۔»

توریت شریف: پَیدایش 24:7

رب جیہڑا آسماناں نا مالک اے، اپݨا فرِشتہ تُہاڑے اگے بیچھسی. اِس واسطے تُوں مہاڑے پُترے واسطے اُنہاں وِچوں زناݨی چُننے وِچ ضرور کامیاب ہوسیں، کِیئانکہ رب ہی مِکی مہاڑے پیؤ نے کہروں تے مہاڑے مُلکے وِچوں اِتھے کِہنی آیا، تے اُس قسم کھائی کے مہاڑے نال وعِدہ کیتا کہ ”میں اے کَنعان نامی مُلخ تُہاڑی اولاد کی دیساں“.

توریت شریف: پَیدایش 26:2

رب حضرت اسحاق پر ظاہر ہویا تے آخیا، ”مِصر در ناں جا، بلکہ جیہڑا مُلخ میں تُساں کی دَسساں اُتھے ہی رہ۔