توریت شریف: پَیدایش 11:31 - Mirpuri-Pahari Bible

³¹ تارح اپݨے پُترے حضرت ابرام کی، تے اپݨے پوترے حضرت لُوط کی جیہڑے جناب ہاران نے پُتر سݨ، تے اپݨی نُوں بی بی ساری کی جیہڑی اُنہاں نے پُترے حضرت ابرام نی کہرے آلی سی، نال کِہندا، تے اے سارے کلدانیاں نے شہر اُر وِچوں نکلی کے مُلخ کَنعان در ٹُری گئے. جِسلے او شہر ہاران تک پُہچے، تے اُتھے رہݨ لغی پئے۔

توریت شریف: پَیدایش 11:31 ပူးပေါင်းရင်းမြစ်များ

توریت شریف: پَیدایش 10:19

کہ اُنہاں نیاں حداں شمال وِچ صَیدُون شہر تُوں جنوب آلے پاسے جرار شہر آلی طرفوں غزّہ شہر تک، تے اُتھوں مشرق نے پاسے سدُوم، عمُورہ، ادمہ تے ضِبُوئِیم شہراں آلی طرفوں لَسَع شہر تک سݨ۔

توریت شریف: پَیدایش 11:32

تارح دو سو پنج سالاں نی عمر نے ہوئی کے شہر ہاران وِچ مری گئے۔

توریت شریف: پَیدایش 12:4

فِر حضرت ابرام رب نے آخݨے اپر ہاران شہر تُوں نکلی کے ٹُری گئے، تے حضرت لوط وی انہاں نال گئے. اُس ویلے حضرت ابرام پچہتر سال نے سݨ۔

توریت شریف: پَیدایش 12:5

حضرت ابرام اپݨی زناݨی ساری کی، اپݨے پتریئے حضرت لوط کی، تے سارا مال جیہڑا اُنہاں جمع کِیتا سی تے اُنہاں نوکراں سمیت جیہڑے ہاران شہر وِچ ملی گئے سݨ، اِنہاں نال کِہندا تے کَنعان مُلخ در روانہ ہوئے، تے اُتھے پہنچی گئے۔

توریت شریف: پَیدایش 14:12

حضرت ابرام نے پَہتریئے حضرت لُوط وی سدُوم وِچ رہننے سݨ، تے او اُنہاں کی تے اُنہاں نے مال کی وی کِہنی گئے۔

توریت شریف: پَیدایش 15:7

فِر رب اُنہاں کی آخیا، ”میں رب آں، جس تُکی کَلدانی قوم نے شہر اُر وچوں کڈی کے آندا، تانکہ میں تُکی اے مُلک وراثت وِچ دیاں۔“

توریت شریف: پَیدایش 24:10

فِر او اپݨے مالک نے دس اُونٹھاں پر قیمتی تحفے لدی کے مسوِپتامیہ مُلک در روانہ ہوئی گیا. ٹُرنا ٹُرنا او اُس شہر پُہجھی گیا جِتھے حضرت اِبراہِیم نا پہرآ نحُور رہݨا سی.

توریت شریف: پَیدایش 24:15

او آلے دعا کرنا پیا سی، کہ رِبقہ نامی اِک کُڑی شہر وِچوں نِکلی آئی. اُس نے مُونڈے پر اِک کہڑا سی. او بِتُو ایل نی تہی سی. (بِتُو اِیل حضرت ابراہیم نے پہراؤ نحُور نا پُتر سی، تے نحُور نی بیوی نا ناں مِلکاہ سی.)

توریت شریف: پَیدایش 27:43

مہاڑیا پُترا، توں مہاڑی گل سُݨ، تے حاران شہر نے پاسے اپݨے مامے لابن کول نسی جا.

توریت شریف: پَیدایش 28:10

حضرت یعقُوب بیر سبع تُوں نکلی کے حاران آلے پاسے ٹُری گئے،