توریت شریف: پَیدایش 11:29 - Mirpuri-Pahari Bible

²⁹ تے حضرت ابرام تے نحُور دوآں اپݨا اپݨا بیاہ کری کِہندا. حضرت ابرام نی کہرے آلی نا ناں بی بی ساری، تے نحُور نی کہرے آلی نا ناں بی بی ملکہ سی. او ہی ہاران نی تِیہی سی، تے اُس نی پہیݨوں نا ناں بی بی اِسکہ سی۔

توریت شریف: پَیدایش 11:29 ပူးပေါင်းရင်းမြစ်များ

توریت شریف: پَیدایش 17:15

فِر اللّٰہ تعالیٰ حضرت اِبراہِیم کی آخیا، ”ساری جیہڑی تُہاڑی کہرے آلی اے، اِس کی ہُݨ ساری ناں آخیاں، بلکہ اِس نا ناں ہُݨ سارہ ہوسی.

توریت شریف: پَیدایش 20:12

حقیقت وِچ او مہاڑی پہیݨ وی اے. او مہاڑے پیؤ نی تہی اے. پر اُس نی تے مہاڑی ما الگ اے، اِس وجہ تُوں اُس نی مہاڑے نال شادی ہوئی سکی.

توریت شریف: پَیدایش 22:20

کُج مُدت تُوں بعد حضرت اِبراہِیم کی اے خبر پُہنچی کہ ”تُساں نے پہراؤ نحور نی بیوی مِلکاہ وِچوں مُنڈے جمے اݨ،

توریت شریف: پَیدایش 22:23

اِس طرح مِلکاہ تے نحور نے اے اٹھ پُتر پَیدا ہوئے. (بَتُو اِیل رِبقہ نا پیؤ سی.)

توریت شریف: پَیدایش 24:10

فِر او اپݨے مالک نے دس اُونٹھاں پر قیمتی تحفے لدی کے مسوِپتامیہ مُلک در روانہ ہوئی گیا. ٹُرنا ٹُرنا او اُس شہر پُہجھی گیا جِتھے حضرت اِبراہِیم نا پہرآ نحُور رہݨا سی.

توریت شریف: پَیدایش 24:15

او آلے دعا کرنا پیا سی، کہ رِبقہ نامی اِک کُڑی شہر وِچوں نِکلی آئی. اُس نے مُونڈے پر اِک کہڑا سی. او بِتُو ایل نی تہی سی. (بِتُو اِیل حضرت ابراہیم نے پہراؤ نحُور نا پُتر سی، تے نحُور نی بیوی نا ناں مِلکاہ سی.)

توریت شریف: پَیدایش 24:24

اُس آخیا، ”میں بِتُو ایل نی تِہی آں، تے نحور مہاڑا دادا اے، تے ملکاہ مہاڑی دادی اے۔“