توریت شریف: پَیدایش 1:28 - Mirpuri-Pahari Bible

²⁸ اللّٰہ تعالیٰ اُنہاں کی برکت دیئی کے آخیا، ”پھلو پھُولو تے تعداد وِچ بدھݨے جاؤ! دُنیا تُساں نال پہرݨ جائے، تے تُساں اُس پر اختیار رکھو۔ مچھیاں پر، پرندیاں پر، تے زِیمی پر سارے رینگݨے آلے جانداراں پر حکومت کرو۔“

توریت شریف: پَیدایش 1:28 ပူးပေါင်းရင်းမြစ်များ

توریت شریف: پَیدایش 1:22

اُس اُنہاں کی برکت دِتی، تے سمندرے نیاں جانوراں کی آخیا، ”پھلو پھُولو تے تعداد وِچ بدھݨے جاؤ! سمندر تُساں نال پہرݨ جائے!“ اُس پرندیاں کی وی آخیا، ”تعداد وِچ بدھی جاؤ۔“

توریت شریف: پَیدایش 17:16

تے میں اُس کی وی برکت دیساں، تے اُس کولوں تُہاڑا اِک پُتر ہوسی. میں سارہ کی اِتنی برکت دیساں کہ قوماں اُس نیاں نسلاں وِچوں ہوسݨ، تے قوماں نے بادشاہ اُس وِچوں جَمسَݨ.“

توریت شریف: پَیدایش 17:20

تے اسماعیل واسطے وی میں تُہاڑی دُعا سُݨی کِہندی. تک، میں اُس کی وی برکت دیساں. میں اُس کی پَھلݨ پھولݨ دیساں، تے اُس نی تعداد بہُوں ہی زیادہ بدھاساں. اِس کولوں بارہ شہزادے جَمسݨ، تے میں اُس کولوں اِک بڑی قوم وی بݨاساں۔

توریت شریف: پَیدایش 24:60

اُنہاں رِبقہ کی دُعاواں دِتیاں، ”تُہاڑی نسل لکھاں تے کروڑاں ہووے، تے او اپݨے دُشمݨاں پر فتح حاسل کرے!»

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 33:5

فِر حضرت اِیسَو زناݨیاں تے بَچیاں کی تکیا، تے پُچھیا، ”اے تہاڑے نال کُݨ اݨ؟“ اُنہاں آخیا، ”اے او بچّے اݨ جیہڑے اللّٰہ تعالیٰ تہاڑے اِس خادم کی بخشے اݨ۔“

توریت شریف: پَیدایش 49:25

اے تہاڑے پِیؤ نا خُدا اَے جیہڑا تُہاڑی مدد کرسی، اللّٰہ تعالیٰ جیہڑا تُکی آسمان وِچوں بارِش، زمین نی گہرایئاں وِچوں پاݨی، تے اولاد نی برکت دیسی.

توریت شریف: پَیدایش 5:2

اُس اُنہاں کی مرد تے عورت بݨایا، تے اُنہاں کی برکت دِتی. تے اُس اُنہاں نا ناں ”اِنسان“ رخیا.

توریت شریف: پَیدایش 6:1

جدوں دُنیا اپر لوک بہُوں ہوݨے گئے تے اُنہاں نیاں تیہاں جمیاں،

توریت شریف: پَیدایش 8:17

ساریاں پرندیاں، جانوراں تے رینگݨے آلیاں جانوراں کی وی باہر کہنی آ جیہڑے تہاڑے نال اݨ، تاکہ او زِیمی پر رہݨ تے پھلݨ پھُولݨ۔“

توریت شریف: پَیدایش 9:1

فِر اللّٰہ تعالیٰ حضرت نُوح کی تے اُنہاں نیاں پتراں کی برکت دتی تے آخیا، ”تُساں پھلو پھُولو، بدھو تے زِیمی پہرو۔

توریت شریف: پَیدایش 9:7

پر تُساں پھلو پھُولو تے خوب بدھو، زِیمی اپر اپݨی نسل بدھاؤ، تے بہُوں ہوئی جاؤ۔“