توریت شریف: پَیدایش 1:22 - Mirpuri-Pahari Bible

²² اُس اُنہاں کی برکت دِتی، تے سمندرے نیاں جانوراں کی آخیا، ”پھلو پھُولو تے تعداد وِچ بدھݨے جاؤ! سمندر تُساں نال پہرݨ جائے!“ اُس پرندیاں کی وی آخیا، ”تعداد وِچ بدھی جاؤ۔“

توریت شریف: پَیدایش 1:22 ပူးပေါင်းရင်းမြစ်များ

توریت شریف: پَیدایش 1:21

اِسے طرح اللّٰہ تعالیٰ بڑیاں مَچھیاں، پاݨِیئے وِچ رہݨے آلیاں ہر قسم نیاں چِیزاں، تے ہر قسم نے پرندے بݨائے. اللّٰہ تعالیٰ تکیا کہ اے چنگا اے.

توریت شریف: پَیدایش 1:23

شام ہوئی تے سویر ہوئی، اِس طرح پنچواں دیہاڑا ہویا۔

توریت شریف: پَیدایش 1:28

اللّٰہ تعالیٰ اُنہاں کی برکت دیئی کے آخیا، ”پھلو پھُولو تے تعداد وِچ بدھݨے جاؤ! دُنیا تُساں نال پہرݨ جائے، تے تُساں اُس پر اختیار رکھو۔ مچھیاں پر، پرندیاں پر، تے زِیمی پر سارے رینگݨے آلے جانداراں پر حکومت کرو۔“

توریت شریف: پَیدایش 30:27

تاں لابن آخیا، ”جے مہاڑے پر رحم کریں، تے اِتھَے ہی رو، کِیئانکہ مِکی فال نے ذریعے پتہ لغی گیا اے کہ اللّٰہ تعالیٰ تُہاڑی وجہ نال مِکی برکت دِتی اے۔“

توریت شریف: پَیدایش 30:30

مہاڑے اچھݨے تُوں پہلے اے ڈنگر کہٹ سݨ، تے ہُݨ بَدی کے اے زیادہ ہوئی گئے اݨ. رب جتھے جتھے مہاڑے قدم رکھائے، اُتھے ہی تُساں کی برکت دِتی۔ ہُݨ او وقت آئی گیا اے کہ میں اپݨے کہرے واسطے کُج کراں.“

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 8:17

ساریاں پرندیاں، جانوراں تے رینگݨے آلیاں جانوراں کی وی باہر کہنی آ جیہڑے تہاڑے نال اݨ، تاکہ او زِیمی پر رہݨ تے پھلݨ پھُولݨ۔“

توریت شریف: پَیدایش 9:1

فِر اللّٰہ تعالیٰ حضرت نُوح کی تے اُنہاں نیاں پتراں کی برکت دتی تے آخیا، ”تُساں پھلو پھُولو، بدھو تے زِیمی پہرو۔