توریت شریف: پَیدایش 1:21 - Mirpuri-Pahari Bible

²¹ اِسے طرح اللّٰہ تعالیٰ بڑیاں مَچھیاں، پاݨِیئے وِچ رہݨے آلیاں ہر قسم نیاں چِیزاں، تے ہر قسم نے پرندے بݨائے. اللّٰہ تعالیٰ تکیا کہ اے چنگا اے.

توریت شریف: پَیدایش 1:21 ပူးပေါင်းရင်းမြစ်များ

توریت شریف: پَیدایش 1:18

دیہاڑ تے رات پر حکومت کرݨ، تے لوئی کی نیہرے نالوں بکھ کرݨ. اللّٰہ تعالیٰ تکیا کہ اے چنگا اے.

توریت شریف: پَیدایش 1:20

فِر اللّٰہ تعالیٰ آخیا، ”پاݨی بہُوں جاندار چِیزاں نال پہریا جائے، تَے آسمانے وِچ پرندے اُڈرݨ!“

توریت شریف: پَیدایش 1:22

اُس اُنہاں کی برکت دِتی، تے سمندرے نیاں جانوراں کی آخیا، ”پھلو پھُولو تے تعداد وِچ بدھݨے جاؤ! سمندر تُساں نال پہرݨ جائے!“ اُس پرندیاں کی وی آخیا، ”تعداد وِچ بدھی جاؤ۔“

توریت شریف: پَیدایش 1:25

اللّٰہ تعالیٰ ہر قسم نے مال ڈنگر، رینگݨے آلے تے جنگلی جانور بݨائے۔ اللّٰہ تعالیٰ تکیا کہ اے چنگا اے.

توریت شریف: پَیدایش 1:31

اللّٰہ تعالیٰ ہر اُس چِیزے کی تَکیا جہیڑی اُس بݨائی سی کہ اے بہُوں چَنگی اے. شام ہوئی تے سویر ہوئی، اِس طرح چھیوَاں دیہاڑا ہویا۔

توریت شریف: پَیدایش 2:19

رب تعالیٰ اِنسان کول او سارے جانور تے سارے پرندے کِہنی آیا جیہڑے اُس مٹی نال بݨائے سݨ، تانکہ پتہ لغے کہ اِنسان اِنہاں نے کَے ناں رخݨا. اِس طرح ہر جانور تے پرندے کی اِنسان نی طرفوں ناں لبھی گیا.

توریت شریف: پَیدایش 6:20

ہر قسم نے پرندے، زِیمی پر ٹرنے تے رینگݨے آلے جانور جوڑیاں وِچ تُہاڑے کول اچھسݨ تاکہ او وی جِیݨے رہݨ۔

توریت شریف: پَیدایش 7:14

ہر قسم نے جنگلی جانور، ہر قسم نے مال ڈنگر، ہر قسم نے زِیمی پر رینگݨے آلے جانور، تے ہر قِسم نے پرندے سارے اُنہاں نال سݨ۔

توریت شریف: پَیدایش 8:17

ساریاں پرندیاں، جانوراں تے رینگݨے آلیاں جانوراں کی وی باہر کہنی آ جیہڑے تہاڑے نال اݨ، تاکہ او زِیمی پر رہݨ تے پھلݨ پھُولݨ۔“

توریت شریف: پَیدایش 8:19

سارے جانور، رینگݨے آلے جانور، تے پرندے اپݨی اپݨی قسماں نیاں ٹولیاں وِچ کشتی تُوں باہر نکلی آئے۔

توریت شریف: پَیدایش 9:2

سارے جانور، پرندے، زِیمی پر رِینگݨے آلے جانور تے مچھلیاں تُساں کولوں ڈری کے رہسݨ. میں اِنہاں ساریاں کی تُساں نے قابُو وِچ دیئی شوڑیا اے.

توریت شریف: پَیدایش 9:7

پر تُساں پھلو پھُولو تے خوب بدھو، زِیمی اپر اپݨی نسل بدھاؤ، تے بہُوں ہوئی جاؤ۔“

یُونس 1:17

پر رب اِک بڑی مَچھی کی حضرت یُونس کی نِگلݨے واسطے پیہجیا۔ تے حضرت یُونس ترَے دیہاڑے تے ترَے راتاں مَچھی نے ٹِہڈے وِچ ٹِغے رہے۔

یُونس 2:10

فِر رب مَچّھی کی حُکم دِتا، تے اُس حضرت یُونس کی خُشکی پر اُگلی شوڑیا۔