توریت شریف: پَیدایش 1:20 - Mirpuri-Pahari Bible

²⁰ فِر اللّٰہ تعالیٰ آخیا، ”پاݨی بہُوں جاندار چِیزاں نال پہریا جائے، تَے آسمانے وِچ پرندے اُڈرݨ!“

توریت شریف: پَیدایش 1:20 ပူးပေါင်းရင်းမြစ်များ

توریت شریف: پَیدایش 1:14

فِر اللّٰہ تعالیٰ آخیا، ”آسمانے وِچ لو دیݨے آلیاں چِیزاں پَیدا ہوئی جاݨ! تانکہ دیہاڑ تے رات وِچ فرق کرݨ، تے موسم تے دیہاڑیاں تے سالاں نا پتہ دیݨ،

توریت شریف: پَیدایش 1:19

شام ہوئی تے سویر ہوئی، اِس طرح چوتھا دیہاڑا ہویا۔

توریت شریف: پَیدایش 1:21

اِسے طرح اللّٰہ تعالیٰ بڑیاں مَچھیاں، پاݨِیئے وِچ رہݨے آلیاں ہر قسم نیاں چِیزاں، تے ہر قسم نے پرندے بݨائے. اللّٰہ تعالیٰ تکیا کہ اے چنگا اے.

توریت شریف: پَیدایش 1:22

اُس اُنہاں کی برکت دِتی، تے سمندرے نیاں جانوراں کی آخیا، ”پھلو پھُولو تے تعداد وِچ بدھݨے جاؤ! سمندر تُساں نال پہرݨ جائے!“ اُس پرندیاں کی وی آخیا، ”تعداد وِچ بدھی جاؤ۔“

توریت شریف: پَیدایش 1:30

اِسے طرح میں سارے جانوراں کی کھاݨے واسطے ہریالی دیݨا آں۔ جس وِچ وی جان اَے، او اے کھائی سکݨا، پاویں او جنگلی جانور، پرندہ یا زِیمی پر رینگݨے آلا جانور ہووے۔“ فِر اِس طرح ہی ہویا۔

توریت شریف: پَیدایش 1:7

اِسے طرح ہویا. اللّٰہ تعالیٰ فَضا بݨائی، جس نال اُس تھلے نا پاݨی اَپرے نے پاݨِیئے نالوں لادا کری شوڑیا۔

توریت شریف: پَیدایش 2:19

رب تعالیٰ اِنسان کول او سارے جانور تے سارے پرندے کِہنی آیا جیہڑے اُس مٹی نال بݨائے سݨ، تانکہ پتہ لغے کہ اِنسان اِنہاں نے کَے ناں رخݨا. اِس طرح ہر جانور تے پرندے کی اِنسان نی طرفوں ناں لبھی گیا.

توریت شریف: پَیدایش 7:21

سارے جنگلی جانور، پرندے، مال ڈنگر، رینگݨے آلے جانور تے اِنسان غرق ہوئی گئے.

توریت شریف: پَیدایش 8:17

ساریاں پرندیاں، جانوراں تے رینگݨے آلیاں جانوراں کی وی باہر کہنی آ جیہڑے تہاڑے نال اݨ، تاکہ او زِیمی پر رہݨ تے پھلݨ پھُولݨ۔“