توریت شریف: پَیدایش 1:11 - Mirpuri-Pahari Bible

¹¹ فِر اللّٰہ تعالیٰ آخیا، ”زِیمی ہر قسم نی ہریالی پیدا کرے! اِیئے جئے بُوٹے جِنہاں تُوں اِناج حاصل ہوئے، تے اِیئے جئے درخت جِنہاں نے پھلے وِچ بِیں ہووے۔“ فِر اِسے طرح ہی ہویا۔

توریت شریف: پَیدایش 1:11 ပူးပေါင်းရင်းမြစ်များ

توریت شریف: پَیدایش 1:12

زِیمی ہر قسم نی ہریالی پیدا کیتی، اِیئے جئے بُوٹے جِنہاں تُوں اِناج حاصل ہویا، تے اِیئے جئے درخت جِنہاں نالوں پھل حاصل ہویا. اللّٰہ تعالیٰ تکیا کہ اے چنگا اے.

توریت شریف: پَیدایش 1:29

اللّٰہ اُنہاں کی مزید آخیا، ”ہݨ میں تُساں کی کھاݨے واسطے دُنیا وِچ ہر قسم نے اِناج تے ہر قسم نے پھل دیݨا آں۔

توریت شریف: پَیدایش 2:16

رب تعالیٰ اُس کی حکم دِتا، ”تُوں باغے نے اِنہاں ساریاں درختاں نے پھل بغیر روکݨے ٹوکݨے توں کھا۔

توریت شریف: پَیدایش 2:5

تے شروع وچ چہاڑیاں تے بُوٹے ہالے نی جمے سݨ. وجہ اے سی کہ رب تعالیٰ بارش نا انتظام نی کیتا سی، تے ہالے انسان وی پیدا نی ہویا سی کہ زِیمی پر کھیتی باڑی کرے۔

توریت شریف: پَیدایش 2:9

رب تعالیٰ ہر طرح نے سوہݨے درخت اُتھے جمائے، جیہڑے چنگا پھل دیݨے سݨ. باغ نے بِشکار دو درخت سݨ: اِک نا پھل کھاݨے نال زندگی لبھݨی سی، تے دُوئے نا پھل کھاݨے نال اچھے تے بُرے نی پہچان.