ତୀତସ 2:8 - New Testament in Pengo Parja Language

⁸ ମାନାୟାର୍ ନିନ୍ଦା ହିଦ୍‌ୱି ଲେକେ ସତ୍ ହିକ୍ଷା ୱିଜୁଦିନ୍ ହିୟାଟ୍। ଲାଗିଙ୍ଗ୍ ମିଙ୍ଗେଙ୍ଗ୍ ବିରଦ୍ କିଦ୍‌ନି ମାନାୟାର୍ ପା, ମା ବିଷୟରେ ଇମ୍‌ଣି କରାପ୍ ବେଣ୍ ୱେଚ୍‌ଚେଙ୍ଗ୍ ଆଡ୍‌ୱାଦାଙ୍ଗ୍ ଲାଜ୍ ପାୟାଆନାର୍‌।

ତୀତସ 2:8 ပူးပေါင်းရင်းမြစ်များ

ମାର୍କ 12:17

ହେବେ ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଇମ୍‌ଣାକା କାଇସର୍ ରାଜାତି ହେଦାଙ୍ଗ୍ କାଇସର୍ ମହା ରାଜାଙ୍ଗ୍ ହିଆଟ୍। ଆରେ, ଇମ୍‌ଣାକା ଈଶ୍ୱରତି, ହେଦାଙ୍ଗ୍ ଈଶ୍ୱରତିଙ୍ଗ୍ ହିଆଟ୍।” ହେବେତାଙ୍ଗ୍ ହେୱାର୍ ଯୀଶୁ ବେଣ୍ ୱେନ୍‌ଞ୍ଜି ବେସି କାବା ଆତାର୍।

ମାର୍କ 12:28

ଯୀଶୁ ଆରେ ଯିହୁଦି ଦରମ୍‌ନି ସାଦୁକିଦଳ୍‌ ଜୁକ୍ତି ଆନାକା ୱେନ୍‌ଞ୍ଜି ଯିହୁଦି ଦରମ୍‌ନି ପଣ୍ଡିତାର୍ ବିତ୍ରେତାଙ୍ଗ୍ ରକାନ୍ ଯୀଶୁତାକେ ୱାତାନ୍। ହେୱାନ୍ ହେୱାରିଙ୍ଗ୍ ଟିକ୍ ଉତର୍ ହିନାନା ଇଞ୍ଜି ପୁନ୍‌ଞ୍ଜି ହେୱାନ୍ ଯୀଶୁଙ୍ଗ୍ ୱେନ୍‌ବାତାନ୍, “ଈଶ୍ୱର ହିତି ୱିଜୁ ଆଦେସ୍‌ତାଙ୍ଗ୍ ଇମ୍‌ଣି ଆଦେସ୍ ମୁଡ଼୍?”

ମାର୍କ 12:32

ହେବେତାଙ୍ଗ୍ ହେ ଯିହୁଦି ଦରମ୍‌ନି ପଣ୍ଡିତ୍‌ ହେୱାନିଙ୍ଗ୍ ୱେଚ୍‌ଚାନ୍, “ଏ ଗୁରୁ, ହେଦାଙ୍ଗ୍ ସତ୍, ମା ମାପୃ ନେ ଆପ୍‌କା ର ଈଶ୍ୱର ତାଙ୍ଗେଙ୍ଗ୍ ପିସ୍ତି ଇନେର୍ ପା ମାପୃ ଆକାୟ୍, ଇଦାଙ୍ଗ୍ ଏନେଙ୍ଗ୍ ସତ୍ କାତା ୱେଚ୍‌ଚାତାଇ।

ମାର୍କ 12:34

ହେୱାନ୍ ବୁଦିତାଙ୍ଗ୍ ଉତର୍ ହିତାନ୍‌ନା ଇଞ୍ଜି ଯୀଶୁ ପୁନ୍‌ଞ୍ଜି ହେୱାନିଙ୍ଗ୍ ୱେଚ୍‌ଚାନ୍, “ଈଶ୍ୱର ରାଜିତାକେ ହଣ୍ଡେଙ୍ଗ୍ ଲାଗେ ମାନାଦେର୍।” ଇବେତାଙ୍ଗ୍ ଇନେର୍ ପା ପ୍ରଶ୍ନ ୱେନ୍‌ବେଦେଙ୍ଗ୍ ଶାସ୍ କିୱାତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:17

ଯୀଶୁ ଇ କାତା ୱଚ୍‌ନିହିଙ୍ଗ୍ ଇମ୍‌ଣାକାର୍ ହେୱାନିଙ୍ଗ୍ କୁଟ୍ କିଜି ମାଚାର୍, ହେୱାର୍ ଲାଜୁ ଆତାର୍। ଯୀଶୁ ଇମ୍‌ଣିୱିଜୁ ଚାନିଆଆନି କାମାୟ୍ କିତାନ୍ ହେୱାନିଙ୍ଗ୍ ହୁଡ଼୍‌ଜି ୱିଜାକାର୍ ୱାରିୟା ଆତାର୍।

୨ ଥେସଲନୀକିୟ 3:14

ଆରେ ଇମ୍‌ଣି ମାନାୟ୍, ଆପେଙ୍ଗ୍ ଚିଟିତାକେ ଲେକିକିତି କାତାତିଙ୍ଗ୍ ମାନିକିଉନ୍, ଲାଗିଙ୍ଗ୍ ହେୱାନିଙ୍ଗ୍ ପୁନ୍‌ଞ୍ଜି ମାନାଟ୍। ହେୱାର୍‌ତାଙ୍ଗ୍ ଦେହା ମାନାଟ୍, ଲାଗିଙ୍ଗ୍ ହେୱାର୍ ଲାଜ୍ ପାୟାଆନାର୍‌।

୧ ତିମତି 5:14

ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଯେ ବୟସ୍ ଆୱାଦାଙ୍ଗ୍ ରାଣ୍ଡି ଆତି କଗ୍‍ଲେକ୍ ବିବା ଆୟେକ୍, ଆରେ ହିମ୍‌ଣା ଗାଟାଆୟେକ୍, ଇଞ୍ଜି କାମାୟ୍ ହୁଡ଼େକ୍, ଆରେ ନିନ୍ଦା କିଦେଙ୍ଗ୍ ଇମ୍‌ଣି ଶାତ୍ରୁତିଙ୍ଗ୍ ପା ସୁଯଗ୍ ହିମାଟ୍।

୧ ତିମତି 6:3

କେତେକ୍ ମାନାୟାର୍ ବୁଲ୍ ହିକ୍ଷା ହିନାରା। ଯୀଶୁ ଖ୍ରୀଷ୍ଟ ହିଜି ମାନ୍‌ଞ୍ଚି ହିକ୍ଷା ଆରେ ଈଶ୍ୱରତିଙ୍ଗ୍ ସନ୍‌ମାନ୍ କିନି ହିକ୍ଷାତାଙ୍ଗ୍ ହେୱାର୍ ହିକ୍ଷା ମାହାଆଉତା।

ତୀତସ 3:14

ହେଲେକେ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍ ଯେ ମାନାୟାର୍ ଇନେସ୍ ହେୱାରିଙ୍ଗ୍ ଦର୍‌କାର୍‌ଆନି ଜିନିଷ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ପାର୍ତି କିନାକାର୍ ହାର୍ଦି କାମାୟ୍ କିନି କାଜିଙ୍ଗ୍ ନେ ମାନ୍ କିଜି ମାନେର୍। ଲାଗିଙ୍ଗ୍ ହେୱାର୍ ତା ଜିବୁନ୍‌ତ ଇନାୱେଡ଼ାଙ୍ଗ୍ ପା ପାଡ଼୍‌ ହିଲ୍‌ୱି ଲେକେ ଆଉର୍।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 2:15

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଇଚା କିନାକାନ୍ ଯେ, ଏପେଙ୍ଗ୍ ହାର୍ କାମାୟ୍ କିୟାଟ୍। ଲାଗିଙ୍ଗ୍ ଈଶ୍ୱର ପୁନ୍‌ୱିତି ବକୁୱା ମାନାୟାର୍ ମିଙ୍ଗେଙ୍ଗ୍ ବିରଦ୍ କିତ୍‌ତିସ୍ ପା ମି ହାର୍ କାମାୟ୍ କାଜିଙ୍ଗ୍ ହେ ବିରଦ୍‌ତିଙ୍ଗ୍ ଏପେଙ୍ଗ୍ ବନ୍ଦ୍ କିଦେଙ୍ଗ୍ ଆଡ୍‌ନାଦେର୍।

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।